कुडाळ घनकचरा प्रकल्पासाठी आणखी २७ गुंठे जमीन मंजूर

08307

कुडाळ घनकचरा प्रकल्पासाठी
आणखी २७ गुंठे जमीन मंजूर

सकाळ वृत्तसेवा
कुडाळ, ता. ३ ः कुडाळ नगरपंचायतीच्या घनकचरा प्रकल्पासाठी आवश्यक असणारी एमआयडीसी क्षेत्रातील २७ गुंठे जमीन एमआयडीसी प्रशासनाने मंजूर केली आहे. यासाठी आमदार नीलेश राणे यांनी विशेष प्रयत्न केले होते. मंजूर जागेमुळे घनकचरा प्रकल्पाची अत्याधुनिक यंत्रणा येथे उभारण्यासाठी मदत मिळणार आहे.
कुडाळ नगरपंचायतीचा अत्याधुनिक घनकचरा प्रकल्प उभारण्यासाठी नगरपंचायतीने एमआयडीसीकडून यापूर्वी १८ गुंठे जमीन घेतली आहे; मात्र या प्रकल्पासाठी अजून २७ गुंठे जमिनीची आवश्यकता होती. जेणेकरून हा प्रकल्प अधिक चांगल्या प्रकारे राबवता येऊ शकेल. तसेच आधुनिक यंत्रसामग्री बसवता येईल. यासाठी गेले काही महिने प्रयत्न सुरू होते. उद्योगमंत्री उदय सामंत यांच्याकडे आमदार राणे यांनी याबाबत वारंवार पाठपुरावा केला होता. त्या पाठपुराव्याला आता यश आले आहे. या अत्याधुनिक घनकचरा प्रकल्पासाठी २७ गुंठे जमीन एमआयडीसी प्रशासनाने मंजूर केली आहे. पूर्वी १८ गुंठे आणि आता २७ गुंठे अशी ४५ गुंठे या प्रकल्पासाठी जागा एकाच ठिकाणी मिळाली आहे. हा प्रकल्प प्रदूषण आणि दुर्गंधीमुक्त केला जाणार आहे. तसेच या अत्याधुनिक प्रकल्पाची माहिती सुद्धा देण्यात येणार आहे, असे आमदार राणे यांनी सांगितले.