-कोतवडेत आजपासून साई मंदिराचा वर्धापनदिन

कोतवडेत आजपासून
साईमंदिराचा वर्धापनदिन
रत्नागिरी, ता. १० ः तालुक्यातील कोतवडे-लावगणवाडी येथील श्री शिर्डी निवासी साईबाबांचा १६वा वर्धापनदिन सोहळा ११ ते १४ डिसेंबर या कालावधीत विविध धार्मिक व सांस्कृतिक कार्यक्रमाने होणार आहे. गुरूवारी (ता. ११) सकाळी ७ वा. श्रींची पूजा, सायं. ७ वा. श्री लिंगेश्वर प्रासादिक भजन मंडळाचे भजन, रात्री १० वा. सांस्कृतिक कार्यक्रम. १२ ला सकाळी ७ वा. श्रींची पूजा, सायं. ७ वा. भजन, रात्री १० वा. कीर्तन, १३ला सकाळी १० वा. मंदिरात श्री साई सत्यनारायणाची महापूजा, सायं. ७ वा. स्थानिकांचे भजन, रात्री १० वा. बहुरंगी नमन, १४ ला सकाळी ७ वा. श्रींचा अभिषेक, ११ वा. महाआरती, दुपारी १ ते ३ वा. महाप्रसाद, दुपारी सव्वातीनला पालखी गावप्रदक्षिणा. या सर्व सांस्कृतिक व धार्मिक कार्यक्रमाचा आस्वाद घ्यावा, असे आवाहन ओम साई चॅरिटेबल ट्रस्ट कोतवडे लावगणवाडी-रत्नागिरी ग्रामस्थ व महिला मंडळ कोतवडे-लावगणवाडी यांनी केले आहे.