ओरोस येथे २७ डिसेंबरला जिल्हास्तर वक्तृत्व स्पर्धा

ओरोस येथे २७ डिसेंबरला
जिल्हास्तर वक्तृत्व स्पर्धा
सकाळ वृत्तसेवा
कुडाळ, ता. ११ ः मराठी वृत्तपत्र सृष्टीचे जनक, ‘दर्पण’कार आचार्य बाळशास्त्री जांभेकर यांच्या स्मृतिप्रीत्यर्थ, जांभेकर कुटुंबीय आणि गुरुकुल करिअर अकॅडमी, ओरोस यांच्या संयुक्त विद्यमाने सिंधुदुर्ग जिल्हास्तरीय वक्तृत्व स्पर्धेचे आयोजन केले आहे. या स्पर्धेत जिल्ह्यातील उच्च माध्यमिक (अकरावी व बारावी) विभागातील विद्यार्थी सहभागी होऊ शकतात.​
स्पर्धा २७ डिसेंबरला सकाळी ९ वाजता गुरुकुल करिअर अकॅडमी, ओरोस (अंगणवाडी जवळ) येथे होणार आहे. ​नाव नोंदणी २५ डिसेंबरपर्यंत करावी. स्पर्धकांना वेळेची मर्यादा ७ मिनिटे आहे. स्पर्धेसाठी ​बाळशास्त्री जांभेकर : चरित्र आणि कार्य, ​मराठी वृत्तपत्रसृष्टीचा दीपस्तंभ-दर्पण, ​समाजसुधारक बाळशास्त्री जांभेकर व ​मराठी पत्रकारिता-काल, आज आणि उद्या असे आहेत. स्पर्धेतील पहिल्या तीन विजेत्यांना अनुक्रमे ५०००, ३००० आणि २००० रुपये रोख रक्कम तसेच सन्मानचिन्ह व प्रशस्तीपत्रक देऊन गौरविण्यात येईल. बक्षीस वितरण सोहळा ६ जानेवारीला पत्रकार दिनी बाळशास्त्री जांभेकर यांच्या मूळ गावी पोंभुर्ले (ता. देवगड) येथे मान्यवरांच्या उपस्थितीत होईल. सर्व सहभागी विद्यार्थ्यांना सहभाग प्रमाणपत्र देण्यात येईल. जिल्ह्यातील जास्तीत जास्त विद्यार्थ्यांनी या स्पर्धेत सहभागी व्हावे, असे आवाहन संयोजकांनी केले आहे. ​अधिक माहिती व नाव नोंदणीसाठी जांभेकर कुटुंबीय (कुडाळ) यांच्याशी संपर्क साधावा.