रत्नागिरी डॉजबॉल संघ स्पर्धेसाठी रवाना

-rat११p२९.jpg-
२५O०९९८१
रत्नागिरी : पटवर्धन हायस्कूल, नाटेकर, गांधी कनिष्ठ महाविद्यालयाचा संघ राज्यस्तरीय डॉजबॉल स्पर्धेसाठी आज रवाना झाला.
-----
‘पटवर्धन’चा डॉजबॉल संघ
राज्यस्तरीय स्पर्धेसाठी रवाना
सकाळ वृत्तसेवा
रत्नागिरी, ता. ११ : येथील भारत शिक्षण मंडळाच्या पटवर्धन हायस्कूल, नाटेकर, गांधी कनिष्ठ महाविद्यालयाचा डॉजबॉलचा संघ जालना येथे होणाऱ्या राज्यस्तरीय स्पर्धेसाठी रवाना झाला. विभागीय स्तरावर उत्कृष्ट कामगिरी करत राज्यस्तरावर मजल मारलेल्या या संघामुळे शाळेत आनंद आणि अभिमानाचे वातावरण आहे.
संघाला प्रोत्साहन देण्यासाठी मुख्याध्यापिका जानकी घाटविलकर यांनी विद्यार्थ्यांशी संवाद साधत त्यांचे मनोबल दृढ केले. प्रा. प्राजक्ता कुलकर्णी, वर्षा जोशी आणि वृंदाली गुरव यांनीही खेळाडूंना शुभेच्छा देत उत्तुंग कामगिरीची अपेक्षा व्यक्त केली. डॉजबॉल मार्गदर्शक शिक्षक दत्ता मांजरेकर व श्रीपाद गुरव यांनी डॉजबॉल खेळातील निष्ठा, सरावाची शिस्त आणि संघातील एकजूट यांच्या जोरावर हा संघ राज्यस्तरावरही चमकदार कामगिरी करेल, असा विश्वास व्यक्त केला. संस्थेचे कार्यवाह धनेश रायकर, उपमुख्याध्यापक रूपेश पंगेरकर तसेच पर्यवेक्षक अमर लवंदे आणि शिरोळकर यांनीही कौतुक केले.