चिपळूण पालिकेच्या इमारतींसाठी ३० कोटी द्या

चिपळूण पालिका इमारतीसाठी ३० कोटी द्या
शेखर निकम ः तळ्यांच्या सुशोभीकरणासाठी निधीची मागणी
सकाळ वृत्तसेवा
चिपळूण, ता. १२ ः मोडकळीस आलेल्या चिपळूण पालिकेच्या नवीन इमारतीसाठी ३० कोटींचा निधी मिळावा, अशी मागणी आमदार शेखर निकम यांनी नागपूर येथे हिवाळी अधिवेशनात करताना प्रलंबित विकासकामांच्या मुद्द्यांना हात घातला.
ब्रिटिशकालीन चिपळूण पालिकेच्या इमारतीची दुरवस्था झाली असल्याने नव्या इमारतीसाठी ३० कोटींच्या प्रस्तावाला तातडीने मंजुरी द्यावी, अशी मागणी आमदार शेखर निकम यांनी केली. चिपळूण शहरासाठी १५३ कोटींच्या पाणीपुरवठा योजनेच्या मंजुरीबद्दल निकम यांनी सभागृहात शासनाचे आभार मानले.
चिपळूण शहराची तळ्यांचे शहर म्हणून ओळख आहे. यापूर्वी काही तळे विकसित झाले आहेत. अजूनही काही तळे विकसित होणे गरजेचे आहेत. यासाठी या तळ्यांच्या सुशोभीकरणासाठी निधी मिळावा, अशी मागणी केली. चिपळूण शहराला अनेकवेळा पुराचा फटका बसला आहे. या पुरापासून संरक्षण मिळावे यासाठी संरक्षक भिंतीची गरज आहे. नलावडा बंधारामुळे यावर्षी पुराची तीव्रता कमी झाली असल्याचे नमूद करून संरक्षक भिंतींसाठी निधी मिळावा, अशी अपेक्षा व्यक्त केली.
--