कुडाळ येथे २९ पासून ‘रोटरी महोत्सव २०२५’

कुडाळ येथे २९ पासून
‘रोटरी महोत्सव-२०२५’

सकाळ वृत्तसेवा
कुडाळ, ता. १३ ः रोटरी क्लब ऑफ कुडाळ आयोजित रोटरी महोत्सव-२०२५ चे २९, ३० व ३१ डिसेंबर या कालावधीत कुडाळ हायस्कूल मैदानावर आयोजन करण्यात येणार असल्याची माहिती उत्सवप्रमुख सचिन मदने, रोटरी अध्यक्ष राजीव पवार यांनी दिली.
याबाबत त्यांनी दिलेल्या प्रसिद्धिपत्रकात म्हटले आहे, की महोत्सवात इंडस्ट्रियल, फूड व ऑटो एक्स्पोच्या विविध स्टॉलची पर्वणी सिंधुदुर्गवासीयांना मिळणार आहे. दर दोन वर्षांनी कुडाळ रोटरी क्लबतर्फे सरत्या वर्षाला निरोप व नवीन वर्षाचे स्वागत करण्यासाठी रोटरी महोत्सवाचे आयोजन केले जाते. यावर्षी हा महोत्सव २९ ते ३१ डिसेंबर या कालावधीत होणार आहे. या महोत्सवात फूड, इंडस्ट्रियल स्टॉल बुकिंगसाठी इच्छुकांनी एकनाथ पिंगुळकर यांच्याशी संपर्क साधावा. विविध नामांकित कंपन्यांच्या दुचाकी, चारचाकींच्या ऑटो एक्स्पो स्टॉल बुकिंगसाठी प्रमोद भोगटे व अजिंक्य जामसंडेकर येथे संपर्क करावा. महोत्सवात २९ ला सायंकाळी सातला मुलांसाठी फॅन्सी ड्रेस स्पर्धा (वयोगट ५ ते ११ व १२ ते १६ वर्षे) होणार आहे. स्पर्धेसाठी नावनोंदणी २५ डिसेंबरपर्यंत करावी. स्पर्धेत ३० स्पर्धकांना प्रवेश दिला जाणार आहे. प्रथम तीन क्रमांकांना बक्षिसे आहेत. तसेच ३० ला सायंकाळी ५.३० वाजता ‘इनरव्हील पाककला स्पर्धा’ आयोजित केली आहे. इच्छुकांनी २५ डिसेंबरपर्यंत नावनोंदणी करावी, असे आवाहन केले आहे. विविध सांस्कृतिक कार्यक्रमांमध्ये स्थानिक कलाकारांना संधी दिली जाणार आहे. सध्या रोटरी क्लबकडून रोटरी फेस्टिव्हलची जय्यत तयारी सुरू असल्याची माहिती मदने व पवार यांनी दिली.