-लांजात बालवैज्ञानिक विज्ञान प्रदर्शन उत्साहात

-rat14p23.jpg-
25O10679
लांजा ः खावडी हायस्कूल येथील विज्ञान प्रदर्शनाचे फीत कापून उद्‍घाटन करताना डी. डी. देसाई. शेजारी उमेश कानडे, विनोद सावंत आदी.
----
बालवैज्ञानिक विज्ञान प्रदर्शन उत्साहात
सकाळ वृत्तसेवा
लांजा, ता. १५ ः तालुक्यातील खावडी हायस्कूल येथे ५३ वे तालुकास्तरीय बाल वैज्ञानिक विज्ञान प्रदर्शन उत्साहात झाले. सरस्वती विद्यानिकेतन व पंचायत समिती शिक्षण विभागातर्फे प्रदर्शनाचे आयोजन करण्यात आले होते.
प्रदर्शनाचे उद्‍घाटन सह्याद्री श्रमिक शिक्षण संस्थेचे उपाध्यक्ष डी. डी. देसाई यांच्या हस्ते झाले. ग्रामीण भागातील विद्यार्थ्यांमध्ये मोठी गुणवत्ता असून विज्ञान प्रदर्शनाच्या माध्यमातून त्यांना संधी मिळते, असे मत त्यांनी व्यक्त केले. विज्ञान प्रदर्शनात तालुक्यातील प्राथमिक व माध्यमिक अशा एकूण ८८ शाळांनी सहभाग घेतला. या वेळी सह्याद्री श्रमिक शिक्षण संस्थेचे अध्यक्ष सुनील कानडे, शिवसेना तालुकाप्रमुख गुरुप्रसाद देसाई, सरपंच मृणाली आंब्रसकर, गटशिक्षणाधिकारी विनोद सावंग, विस्तार अधिकारी चंद्रकांत पावसकर, विस्तार अधिकारी विमल चव्हाण, मुख्याध्यापक संघाचे अध्यक्ष संदेश कांबळे, महेश पाटकर, केंद्रप्रमुख भिकाजी रावले, मुख्यध्यापिका दामिनी भिंगार्डे उपस्थित होते.