अमृता ट्रॅव्हल्सचा रौप्यमहोत्सव साजरा

- rat१५p१४.jpg-
२५O१०७८६
रत्नागिरी : अमृता ट्रॅव्हल्सच्या रौप्य महोत्सवी कार्यक्रमात संचालक अजित करंदीकर व अमृता करंदीकर.
---
अमृता ट्रॅव्हल्सचा रौप्य महोत्सव साजरा
सकाळ वृत्तसेवा
रत्नागिरी, ता. १५ : रत्नागिरीतील माजी सैनिक पत्नी संचलित अमृता ट्रॅव्हल्स या पर्यटन कंपनीचा रौप्य महोत्सव हॉटेल विवेक येथे उत्साहात साजरा झाला.
या नियोजनपूर्ण, शिस्तबद्ध कार्यक्रमात अमृता ट्रॅव्हल्सबरोबर सहलीचा आनंद लुटलेले पुणे, मुंबई, चिपळूण, रत्नागिरीमधील सहप्रवाशांनी सहभाग नोंदवला तसेच प्रातिनिधिक स्वरूपात बऱ्याच जणांनी मनोगत व्यक्त केली. अमृता ट्रॅव्हल्स या कंपनीची मुहूर्तमेढ डिसेंबर २००० मध्ये रोवली गेली व छोट्याशा रोपट्याचे रूपांतर कल्पवृक्षात झाले. रौप्य महोत्सवाच्या निमित्ताने विविध राज्यातील बिहू, करगट्टम, लावणी, गरबा, जम्मूचे रौफ, दिवली नृत्य, चिरमी इत्यादी नृत्याचे आविष्कार कलासार्थ ग्रुपमार्फत सादर करण्यात आले. रत्नागिरी जिल्ह्याचे वैशिष्ट्य असलेल्या संगमेश्वरी बोलीभाषेचे सादरीकरण कोकणचा साज, संगमेश्वरी बाज या समूहामार्फत करण्यात आले. विविध सहलीची माहिती अमृता ट्रॅव्हल्सचे अजित करंदीकर व अमृता करंदीकर यांनी उपस्थितांना दिली. लोकनृत्य, कोकण संस्कृती आणि प्रवासवर्णने पाहण्याचा व ऐकण्याचा मनापासून आनंद लुटला. पूर्वा खालगावकर यांनी सूत्रसंचालन केले. श्वेता जोगळेकर यांनी स्वागतगीत व पसायदान गायले.