श्री लक्ष्मीनारायणच्या नवीन ठेव योजनेत ४ कोटींच्या नवीन ठेवी

rat१५p२४.jpg-
P२५O१०८०४
खेड ः श्री लक्ष्मीनारायण पतपेढीच्या दिनदर्शिकेचे प्रकाशन करताना डावीकडून मुख्य कार्यकारी अधिकारी संदीप मोडक, माजी अध्यक्ष व विद्यमान सल्लागार विश्वास सोमण, उपाध्यक्ष सुनील मोघे, अध्यक्ष शीतल पेठे, अच्युत जोशी व अमोल भागवत आदी.

‘लक्ष्मीनारायण’च्या ठेव योजनेत
चार कोटींच्या ठेवी संकलित
सकाळ वृत्तसेवा
खेड, ता. १५ : श्री लक्ष्मीनारायण पतपेढीच्या नवीन ठेव योजनेत चार कोटींच्या नवीन ठेवी संकलित झाल्या असून, सभासदांनी संस्थेवर विश्वास दाखवल्याचे हे प्रतीकच म्हणावे लागेल, अशी माहिती पतपेढीचे अध्यक्ष शीतल पेठे यांनी दिली.
ते पतपेढीच्या दिनदर्शिका प्रकाशनाप्रसंगी बोलत होते. या वेळी उपाध्यक्ष सुनील मोघे, संचालक अंजली आघरकर, अपर्णा मोडक, अमोल भागवत संस्थेचे माजी अध्यक्ष व विद्यमान सल्लागार विश्वास सोमण, संस्थेचे माजी अध्यक्ष अच्युत जोशी, संस्थेचे मुख्य कार्यकारी अधिकारी संदीप मोडक, खेड शाखेच्या शाखाधिकारी शैलजा बेंदरकर व प्रधान कार्यालय व खेड शाखेचे कर्मचारी उपस्थित होते. श्री लक्ष्मीनारायण नागरी सहकारी पतसंस्थेने मागील २९ वर्षात लेखापरीक्षणात सातत्याने ‘अ’ वर्ग संपादन केला आहे. नुकत्याच झालेल्या ठेव योजनेत सुमारे चार कोटीच्या नवीन ठेवी संकलित झाल्या आहेत. संस्थेमार्फत सोनेतारण, वाहनतारण, स्थावर तारण, गृहतारण, जामीन तारण, कॅश क्रेडिट कर्जवाटपसुद्धा सुरू आहे. २०२५-२६ या आर्थिक वर्षात संस्थेचा एनपीए ० टक्के राहील तसेच सहकार खात्याकडून दिलेल्या निकषांचे प्रमाणात संस्थेचे कामकाज यशस्वी राखणार असल्याचा विश्वास संस्थेचे अध्यक्ष पेठे यांनी व्यक्त केला आहे.