लांजा शहरात अखेर फिरते शौचालय

-rat१६p७.jpg-
२५O११००५
लांजा ः शहरात फिरते शौचालय उपलब्ध झाल्याने नागरिकांची गैरसोय दूर झाली.
----
लांजा शहरात अखेर फिरते शौचालय
निर्मल शौचालय जमीनदोस्त ; चौपदरीकरणाचे काम
सकाळ वृत्तसेवा
लांजा, ता. १६ ः भाजपचे माजी नगरसेवक, गटनेता संजय यादव यांच्या प्रयत्नांना यश आले असून, तोडण्यात आलेल्या निर्मल शौचालयाच्या ठिकाणी मंगळवारपासून लांजा नगरपंचायतीने नागरिकांच्या सोयीसाठी फिरते शौचालय (मोबाईल टॉयलेट) उपलब्ध करून दिले आहे.
लांजा शहरात मुंबई-गोवा महामार्गाला लगत आणि शहराच्या मध्यवर्ती ठिकाणी निर्मल शौचालय उभारण्यात आले होते. हे निर्मल शौचालय सर्वच नागरिकांना अतिशय सोयीचे ठरत होते. शहरात विविध कामानिमित्त येणारे नागरिक, मंगळवारचा भरणारा आठवडा बाजार त्याचप्रमाणे येथील रिक्षा व्यावसायिक, टेम्पो व्यावसायिक व अन्य छोटे-मोठे व्यावसायिक त्याचप्रमाणे नागरिक, प्रवासीवर्ग आणि विद्यार्थी यांना देखील निर्मल शौचालय हे सोयीचे ठरत होते; मात्र चौपदरीकरणात हे शौचालय बाधित होत असल्याने हे निर्मल शौचालय प्रशासनाकडून तोडण्यात आले होते. परिणामी, कामानिमित्त शहरात येणारे ग्रामस्थ, व्यावसायिक, रिक्षा व्यावसायिक, टेम्पो व्यावसायिक, दुकानदार तसेच अन्य सर्वच नागरिकांची मोठी गैरसोय होत होती.
नागरिकांची होणारी ही गैरसोय लक्षात घेऊन भाजपचे संजय यादव यांनी याबाबत तातडीने नगरपंचायतीचे मुख्याधिकारी अभिजित कुंभार यांची भेट घेऊन या ठिकाणी फिरते शौचालय उपलब्ध करून देण्याची मागणी केली होती. त्याबाबत त्यांनी तशी चर्चादेखील केली होती. या चर्चेमध्ये मुख्याधिकारी कुंभार यांनी सोमवार किंवा मंगळवारपर्यंत तोडलेल्या निर्मल शौचालय या ठिकाणी फिरते शौचालय उपलब्ध करून देतो, असे ठोस आश्वासन दिले होते. त्यानुसार आज फिरते शौचालय उपलब्ध करून देण्यात आले आहे.