मदर क्विन्स इंग्लिश स्कूलमध्ये नृत्य स्पर्धेला उत्स्फूर्त प्रतिसाद

मदर क्विन्स इंग्लिश स्कूलमध्ये
नृत्य स्पर्धेला उत्स्फूर्त प्रतिसाद
सकाळ वृत्तसेवा
सावंतवाडी, ता. १६ः सिंधुदुर्ग जिल्हा शिक्षण प्रसारक मंडळ संचलित मदर क्विन्स इंग्लिश स्कूलमध्ये आयोजित सोलो डान्स स्पर्धेला उल्लेखनीय प्रतिसाद लाभला.
या स्पर्धेत पहिली ते नववीची मुले बहुसंख्येने सहभागी झाली. पहिली ते दुसरीच्या विद्यार्थ्यांनी ‘नेचर डान्स’ या थीमवर आधारीत निसर्गविषयक गाण्यांवर, तिसरी ते चौथीच्या विद्यार्थ्यांनी भारतातील विविध सणांवर आधारीत नृत्याविष्कार, पाचवी, सहावी व सातवीच्या विद्यार्थ्यांनी वेगवेगळ्या ऋतूंवर आधारीत, नववीच्या विद्यार्थ्यांनी महाराष्ट्रातील लोकगीतांवर आधारीत नृत्ये सादर करून उपस्थितांची मने जिंकली. यावेळी संस्थेच्या चेअरमन शुभदादेवी भोसले, सदस्य डॉ. सतीश सावंत आदी मान्यवर उपस्थित होते.
स्पर्धेचे यशस्वी आयोजन सहशिक्षिका प्रेरणा भोसले, हिना शेख, भूषण परब, कुलदीप कालवणकर, लिपिक दिव्या परीट यांनी मेहनत घेतली. सर्व शिक्षक, शिक्षकेतर कर्मचारी, पालक व विद्यार्थ्यांचे सहकार्य लाभले. नृत्यांगना पूजा राणे यांनी परीक्षक म्हणून काम पाहिले. मंडळाचे अध्यक्ष खेमसावंत भोसले, कार्यकारी विश्वस्त लखमराजे भोसले, श्रद्धाराजे भोसले, संचालक दिलीप देसाई, सहाय्यक संचालक ॲड. शामराव सावंत, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगावकर, शिक्षकेतर कर्मचारी, पालक शिक्षक संघ यांनी शुभेच्छा दिल्या.