पाट प्रशालेच्या विद्यार्थ्यांचा कला उत्सव स्पर्धेत दबदबा

swt187.jpg
11520
पाट ः कला उत्सवातील यशस्वी विद्यार्थ्यांसोबत मान्यवर.

पाट प्रशालेच्या विद्यार्थ्यांचा
कला उत्सव स्पर्धेत दबदबा
सकाळ वृत्तसेवा
म्हापण, ता. १८ ः पाटकर वर्दे कॉलेज आयोजित कला उत्सवामध्ये विविध कला प्रकारात पाट हायस्कूलचे विद्यार्थी सहभागी झाले होते. यात चित्रकला, वेशभूषा, अभिनय, रिल्स मेकिंग, निबंध स्पर्धा या विषयांवर स्पर्धा घेण्यात आल्या. पाट हायस्कूलच्या विद्यार्थ्यांनी सर्वच कला प्रकारांमध्ये यश मिळविले. ऋग्वेद कांबळी (प्लेट पेंटिंग प्रथम), अथर्व गोसावी (रिल्स मेकिंग प्रथम), सोहनी साळसकर (रिल्स मेकिंग द्वितीय), दीक्षा मराळ (एकपात्री अभिनय द्वितीय), भूमी गावडे (निबंध लेखन तृतीय), गौरी राणे (निबंध लेखन प्रथम) यांनी यश मिळविले. यशस्वी विद्यार्थ्यांना प्रमाणपत्र आणि सन्मानचिन्ह देण्यात आले. या विद्यार्थ्यांचे संस्था आणि विद्यालयातर्फे अभिनंदन करण्यात आले. एस. के. पाटील शिक्षण प्रसारक मंडळ पाट पंचक्रोशीचे कार्याध्यक्ष देवदत्त साळगावकर, मुख्याध्यापक राजन हंजनकर, कला शिक्षक संदीप साळस्कर, शिक्षक प्रतिनिधी विजय मेस्त्री यांनी गुलाब पुष्प देऊन विद्यार्थ्यांचे अभिनंदन केले. या विद्यार्थ्यांना शीला सामंत यांचे मार्गदर्शन लाभले.
....................
swt188.jpg
11521
म्हापण ः शालेय स्पर्धांमधील गुणवंत विद्यार्थ्यांचा सत्कार करताना मान्यवर.

म्हापण खवणेश्वर शाळेचे
प्रभागस्तर स्पर्धांमध्ये यश
सकाळ वृत्तसेवा
म्हापण, ता. १८ ः वायंगणी सुरंगपाणी येथे पार पडलेल्या प्रभागस्तर शालेय स्पर्धांमध्ये जिल्हा परिषद प्राथमिक म्हापण खवणेश्वर शाळेने विविध क्रीडा व सांस्कृतिक प्रकारांत उल्लेखनीय यश संपादन केले. समूहनृत्य (लहान गट) प्रकारात शाळेने प्रथम क्रमांक पटकावला. या विजयी संघात आराध्या घाडी, अन्वी राऊळ, सान्वी घाडी, तेजस्विनी परब, सृष्टी घाडी, हर्षिता गोसावी, दुर्वा परब व भूमी परब या विद्यार्थिनींचा सहभाग होता. कबड्डी लहान गट मुली क्रीडा प्रकारातही प्रथम क्रमांक मिळवून शाळेने आपले वर्चस्व राखले. या संघात आराध्या घाडी, अन्वी राऊळ, सान्वी घाडी, तेजस्विनी परब, दुर्वा परब यांचा समावेश होता. लांब उडी (लहान गट मुली) स्पर्धेत आराध्या घाडी हिने प्रथम, ५० × ४ मीटर रिलेमध्ये शाळेच्या संघाने द्वितीय क्रमांक मिळविला. या संघात आराध्या घाडी, अन्वी राऊळ, सान्वी घाडी व तेजस्विनी परब यांचा सहभाग होता. या यशाबद्दल शाळा व्यवस्थापन समिती अध्यक्ष असीम राऊळ, उपाध्यक्ष मंजुषा घाडी, शिक्षणतज्ज्ञ भाई घाडी, मुख्याध्यापक योगेश सकपाळ, शिक्षक संतोष गोसावी, पालक व ग्रामस्थांनी विद्यार्थ्यांचे अभिनंदन केले.