रत्नागिरीत २१ रोजी मोफत महाआरोग्य शिबीर

रत्नागिरीत रविवारी
मोफत महाआरोग्य शिबिर
रत्नागिरी, ता. १८ ः येथील माळनाका परिसरातील मराठा मंडळ, संस्थेच्या सुवर्ण महोत्सवी वर्षाचे औचित्य साधून शहरात मोफत महाआरोग्य शिबिर आयोजित केले आहे. साधना फाऊंडेशन, मुंबई आणि लोकमान्य बाळ गंगाधर टिळक मल्टी स्पेशालिटी हॉस्पिटल यांच्या संयुक्त विद्यमाने शिबिर होणार आहे.
शहरातील माळनाका येथील मराठा भवनामध्ये सकाळी ९ ते सायंकाळी ५ या कालावधीत तज्ज्ञ डॉक्टरांची टीम लाभार्थींची तपासणी करणार आहे. मुंबईतील नामांकित डॉक्टर उपस्थित राहणार आहेत. आतापर्यंत कोणत्याही आरोग्य शिबिरात न झालेल्या विशेष चिकित्सा आणि मार्गदर्शन येथे अत्याधुनिक उपकरणांच्या साहाय्याने केले जाणार आहे. स्त्रीरोग चिकित्सा व सल्ला, नेत्र चिकित्सा आणि नेत्र तपासणी, कॅन्सर (कर्करोग) पूर्वतपासणी, अत्याधुनिक मशीनद्वारे हाडांच्या संभाव्य विकारांची तपासणी (BMD), जनरल फिजिशियन तपासणी, ईसीजी (ECG) सुविधा उपलब्ध आहे. तपासणीवेळी रुग्णांनी जुने अहवालसोबत आणणे आवश्यक आहे. मराठा मंडळाच्या सुवर्ण महोत्सवी वर्षानिमित्त आयोजित या उपक्रमात सहभागी व्हा, असे आवाहन संस्थेतर्फे करण्यात आले आहे.