शाळेला गॅसशेगडी

निळवणे शाळेला
गॅसजोडणीसह शेगडी
खेड ः मुंबईस्थित उद्योजक सदाशेठ म्हात्रे यांच्यावतीने जिल्हा परिषद पूर्ण प्राथमिक शाळा निळवणे क्र.१ शाळेला मिशन आपुलकीअंतर्गत प्रधानमंत्री पोषणशक्ती योजनेसाठी गॅसजोडणी व शेगडी, पाच हजार रुपयांची देणगी दिली. या योजनेंतर्गत शालेय पोषण आहार शिजवण्यासाठी इंधन म्हणून लाकूडफाटा वापरला जात होता. म्हात्रे यांनी ही बाब लक्षात घेऊन शाळेला पोषणशक्ती योजनेंतर्गत आहार शिजवण्यासाठी ही भेट दिली. याबद्दल शाळेच्यावतीने त्यांचा सत्कार करण्यात आला. या वेळी निवृत्त सुभेदार गोपीनाथ कदम, मधुकर जाधव, मुख्याध्यापक मोहन सोनवणे, उपशिक्षक नितीन साळुंखे, पदवीधर शिक्षक अनंत मोरे आदी उपस्थित होते.