रत्नागिरी- राष्ट्रीय संवादिनीवादक श्रीरंगचा सत्कार

rat30p4.jpg-
14352
रत्नागिरी : संवादिनीवादनातील यशाबद्दल श्रीरंग जोगळेकरचा सत्कार करताना जि. प. मुख्य कार्यकारी अधिकारी वैदेही रानडे, सोबत नीता कांबळे, दीपा सावंत.

संवादिनीवादक श्रीरंग जोगळेकरचा सत्कार
रत्नागिरी, ता. ३० : राष्ट्रीय कला उत्सवात संवादिनीवादक श्रीरंग जोगळेकर याने यश मिळवले. याबद्दल रत्नागिरी जिल्हा परिषदेच्या मुख्य कार्यकारी अधिकारी वैदही रानडे यांनी सत्कार केला.
शालेय शिक्षण व साक्षरता विभाग, शिक्षण मंत्रालय भारत सरकार आणि राष्ट्रीय शैक्षणिक संशोधन व प्रशिक्षण परिषदेतर्फे यशदा, पुणे येथे राष्ट्रीय कला उत्सव झाला. यामध्ये महाराष्ट्र संघाने सात पारितोषिके पटकावून देदिप्यमान कामगिरी केली. राष्ट्रीय स्तरावर पार पडलेल्या या स्पर्धेत एकूण १२ कलाप्रकार समाविष्ट होते. श्रीरंगने विशेष पारितोषिक मिळवले. या आधी जिल्हास्तर, विभागस्तर व राज्यस्तरावर प्रथम क्रमांक मिळवून त्याने राष्ट्रीय स्तरावर स्वरवादनामध्ये महाराष्ट्राचे प्रतिनिधित्व केले. कला स्पर्धेत प्रथमच रत्नागिरी जिल्ह्याने राष्ट्रीय पातळीवर यश संपादन केले.