सुकदर गावच्या श्री भवानी मातेची वार्षिक जत्रा २ जानेवारीला

सुकदर येथे शुक्रवारी
श्री भवानी मातेची जत्रा
सकाळ वृत्तसेवा
खेड, ता. ३१ : तालुक्यातील सुकदर गावाची ग्रामदैवत नवसाला पावणारी श्री भवानी मातेची वार्षिक जत्रा २ जानेवारी रोजी पारंपरिक पद्धतीने पार पडणार आहे. या उत्सवाच्या पार्श्वभूमीवर पंचक्रोशीतील तसेच गावाबाहेरील भाविकांनी उपस्थित रहावे, असे आवाहन ग्रामस्थांनी केले आहे.
जत्रोत्सवानिमित्त सुकदर युवा प्रतिष्ठानतर्फे सामाजिक उत्तरदायित्वाच्या भावनेतून विविध उपक्रमांचे आयोजन केले आहे. त्यामध्ये रक्तदान शिबिर तसेच आयुष्मान आरोग्य मंदिर, फुरूस यांच्या माध्यमातून मोफत आरोग्य तपासणी शिबिराचा समावेश आहे.
या उपक्रमांचा मुख्य उद्देश गावातील व परिसरातील नागरिकांना प्राथमिक व प्रतिबंधात्मक आरोग्यसेवा उपलब्ध करून देणे हा आहे. या शिबिराचे उद्घाटन रुपेश कोळंबे यांच्या हस्ते होणार आहे. श्री भवानी आईच्या जत्रोत्सवानिमित्त आयोजित केलेल्या धार्मिक व आरोग्यविषयक उपक्रमांचा लाभ गावातील तसेच गावाबाहेरील नागरिकांनी घ्यावा, असे आवाहन सुकदर युवा प्रतिष्ठानचे अध्यक्ष विनय कोळंबे यांच्या वतीने केले आहे.