वार्षिक स्नेहसंमेलन

पटवर्धन हायस्कूलचे
स्नेहसंमेलन उत्साहात
रत्नागिरी, ता. १ : पटवर्धन हायस्कूल आणि विजू नाटेकर कला, कै. सौ. विजयालक्ष्मी (गोदूताई) श्रीकृष्ण (नाना) गांधी वाणिज्य आणि रमेश कीर विज्ञान कनिष्ठ महाविद्यालयाचे वार्षिक स्नेहसंमेलन उत्साहात पार पडले.
या वेळी भारत शिक्षण मंडळाचे कार्यवाह धनेश रायकर, नगरपालिकेचे प्रशासनाधिकारी सुधाकर मुरकुटे, मुख्याध्यापिका जानकी घाटविलकर, उपमुख्याध्यापक रूपेश पंगेरकर, पर्यवेक्षिका वर्षा जोशी उपस्थित होते. या प्रसंगी मुरकुटे म्हणाले, विद्यार्थ्यांनी आपल्यातील कलागुण जोपासावेत; त्यासाठी सातत्यपूर्ण मेहनत, नियमित सराव आणि चिकाटी आवश्यक आहे तर रायकर यांनी शिक्षकांच्या कार्यकर्तृत्वाचे कौतुक केले. मानसी चव्हाण यांनी सूत्रसंचालन केले. शुभांगी शिंदे यांनी आभार मानले.