पाच दिवसांचा कार्यआठवडा लागू करा ः बँक कर्मचारी
14910
पाच दिवसांचा कार्यआठवडा
लागू करा ः बँक कर्मचारी
कुडाळात ‘ऑल इंडिया डेमॉन्स्ट्रेशन डे’
सकाळ वृत्तसेवा
कुडाळ, ता. २ ः संयुक्त बँक कर्मचारी संघटनांच्या वतीने बुधवारी (ता. ३१) देशभरात ‘ऑल इंडिया डेमॉन्स्ट्रेशन डे’ मोठ्या उत्साहात साजरा करण्यात आला. पाच दिवसांचा कार्यआठवडा त्वरित लागू करण्याची जोरदार मागणी करण्यात आली.
युनायटेड फोरम ऑफ बँक युनियनच्या नेतृत्वात सार्वजनिक क्षेत्रातील बँक अधिकारी व कर्मचाऱ्यांनी सर्व जिल्हा व तालुका ठिकाणी निदर्शने करून सरकार व बँक व्यवस्थापनाचे लक्ष आपल्या मागण्यांकडे वेधले. महाराष्ट्रामध्ये मुंबई, पुणे, कोल्हापूर, सोलापूर, रत्नागिरी, सांगली, नाशिक, सिंधुदुर्ग आणि नागपूर ही आंदोलनाची प्रमुख केंद्रे ठरली. या देशव्यापी आंदोलनात सर्व घटक संघटनांनी सहभाग नोंदवून तातडीने सकारात्मक निर्णय घेण्याची सरकारकडे ठाम मागणी केली. संघटनांच्या मते, पाच दिवसांचा कार्यआठवडा लागू झाल्यास ग्राहक सेवेची गुणवत्ता वाढेल, कर्मचाऱ्यांचे मनोबल उंचावेल आणि बँकिंग प्रणाली अधिक सक्षम बनेल. मागण्या मान्य न झाल्यास पुढील टप्प्यात अधिक तीव्र आंदोलन छेडण्याचा इशाराही यावेळी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.