आदर्श स्वयंसेवक पुरस्कार मनोज वालावलकरांना प्रदान

swt25.jpg
O15097
दादर (मुंबई) ः येथे कुडाळ येथील ज्ञाती युवा सामाजिक कार्यकर्ते मनोज वालावलकर यांना (कै.) डी. पी. नाईक आदर्श स्वयंसेवक पुरस्कार प्रदान करण्यात आला.

आदर्श स्वयंसेवक पुरस्कार
मनोज वालावलकरांना प्रदान
सकाळ वृत्तसेवा
कुडाळ, ता. २ः गौड ब्राह्मण सभा, मुंबई यांच्या वतीने देण्यात येणारा यावर्षीचा (कै.) डी. पी. नाईक आदर्श स्वयंसेवक पुरस्कार येथील ज्ञाती युवा सामाजिक कार्यकर्ते मनोज वालावलकर यांना प्रदान करण्यात आला. दादर (प.) येथील शारदाश्रम विद्यामंदिर येथे पार पडलेल्या संस्थेच्या १२८ व्या वार्षिक स्नेहसंमेलन सोहळ्यात मान्यवरांच्या हस्ते हा सोहळा पार पडला.
या स्नेहसंमेलनाचे अध्यक्षस्थान ज्येष्ठ ज्ञाती समाजसेविका उमा नाईक यांनी भूषविले. यावेळी गौड ब्राह्मण ज्ञातीतील विविध क्षेत्रांत उल्लेखनीय कार्य करणाऱ्या मान्यवरांना विविध पुरस्कार देऊन गौरविण्यात आले. कार्यक्रमास अध्यक्ष प्रा. जगदीश वालावलकर, कार्याध्यक्ष मनीष दाभोलकर, मधुकर सामंत, उपाध्यक्ष व बॅरिस्टर नाथ पै शिक्षण संस्थेचे चेअरमन उमेश गाळवणकर, योगेश खानोलकर, गोपाळकृष्ण प्रभू, शरद वालावलकर, प्रज्ञा वालावलकर आदी उपस्थित होते. सूत्रसंचालन स्नेहा वालावलकर यांनी केले.