मत्स्य तंत्रनिकेतनमध्ये सावित्रीबाई फुले जयंती उत्साहात

rat३p२.jpg-
२६O१५२८२
रत्नागिरी ः शिरगाव येथील मत्स्य अभियांत्रिकी तंत्रनिकेतन महाविद्यालयातर्फे सावित्रीबाई फुले यांची जयंती साजरी करताना उपस्थित विद्यार्थी व मान्यवर.
----
मत्स्य तंत्रनिकेतनमध्ये सावित्रीबाई फुले जयंती
सकाळ वृत्तसेवा
रत्नागिरी, ता. ३ ः शहरानजीकच्या शिरगाव येथील मत्स्य अभियांत्रिकी तंत्रनिकेतन महाविद्यालयात क्रांतिज्योती सावित्रीबाई फुले यांची जयंती उत्साहात साजरी करण्यात आली.
या वेळी तंत्रनिकेतनचे प्राचार्य डॉ. केतन चौधरी यांनी सावित्रीबाई फुले यांच्या प्रतिमेस पुष्पहार अर्पण करून अभिवादन केले. त्यानंतर डॉ. चौधरी यांनी त्यांच्या कार्याविषयी माहिती दिली. त्या भारतातील पहिल्या महिला शिक्षिका, स्त्री शिक्षणाच्या प्रणेत्या आणि समाजसुधारक म्हणून ओळखल्या जातात, ज्यांनी ज्योतिराव फुले यांच्यासोबत मुलींसाठी पहिली शाळा सुरू केली आणि शिक्षण व सामाजिक क्रांतीचा पाया रचला. सावित्रीबाई फुले यांनी अंधश्रद्धा, जातीयता सारख्या सामाजिक अडथळ्यांना आव्हान दिले. त्यांचे कार्य आजही शिक्षण, समता आणि न्यायासाठी प्रेरणादायी आहे. या वेळी महाविद्यालयातील सर्व अधिकारी, कर्मचारीवर्ग व विद्यार्थी यांनी प्रतिमेस पुष्प अर्पण करून वंदन केले.