राज्यस्तर व्हिडिओ निर्मिती स्पर्धेत विधी मुद्राळे प्रथम

15318

राज्यस्तर व्हिडिओ निर्मिती
स्पर्धेत विधी मुद्राळे प्रथम
तळेरे, ता. ४ : शालेय शिक्षण व क्रीडा विभाग महाराष्ट्र शासन आयोजित राज्यस्तरीय व्हिडिओ निर्मिती स्पर्धेत कोल्हापूर विभागातून माध्यमिक व उच्च माध्यमिक विद्यालय कासार्डेच्या सहाय्यक शिक्षिका विधी मुद्राळे विजेत्या ठरल्या. त्यांची निवड भंडारा येथे होणाऱ्या राज्यस्तरीय स्पर्धेसाठी झाली आहे.
मुद्राळे यांनी दहावी गणित भाग २ विषयावर व्हिडिओ निर्मिती केली होती. त्यांच्या यशाबद्दल सिंधुदुर्ग जिल्हा प्राथमिक शिक्षणाधिकारी कविता शिंपी, जिल्हा शिक्षण व प्रशिक्षण संस्था सिंधुदुर्गचे प्राचार्य राजेंद्र कांबळे, अधिव्याख्याता संदीप पवार, गटशिक्षणाधिकारी किशोर गवस, केंद्रप्रमुख संजय पवार, कासार्डे विकास मंडळ मुंबईचे अध्यक्ष मनोज शेलार, सरचिटणीस रोहिदास नकाशे, स्थानिक व्यवस्था समिती कार्याध्यक्ष संजय पाताडे, मुख्याध्यापिका भाग्यश्री बिसुरे, पर्यवेक्षक एस. व्ही. राणे यांनी अभिनंदन केले.
-----
15317
आरोस कर्णबधिर शाळेत
शैक्षणिक साहित्य वाटप
आरोंदा, ता. ४ ः आरोस दांडेली येथील माऊली कर्णबधिर व मतिमंद निवासी विद्यालयातील विद्यार्थ्यांना बँक ऑफ इंडिया मळेवाड शाखेच्या वतीने शैक्षणिक साहित्य वाटप करण्यात आले. यावेळी बँक ऑफ इंडियाचे शशांक पाटील, कर्मचारी प्रकाश तळवणेकर, ग्रामस्थ संतोष गावडे यांचे शाळेच्या वतीने गुलाब पुष्प देऊन स्वागत करण्यात आले. या कार्यक्रमास विद्यालयातील शिक्षक, कर्मचारी उपस्थित होते.