रक्षा, देवांशी, राधिका ठरले स्पर्धेचे विजेते

रक्षा, देवांशी, राधिका
ठरले स्पर्धेचे विजेते
इंग्रजी वक्तृत्व स्पर्धा ; ५३ विद्यार्थ्यांनी घेतला सहभाग
सकाळ वृत्तसेवा
राजापूर, ता. 4 ः तालुक्यातील कोंड्ये येथील निर्मला भिडे जनता विद्यालयातर्फे कै. इंद्रनील तावडे स्मृतिदिनानिमित्त घेण्यात आलेल्या इंग्रजी वक्तृत्व स्पर्धेत रक्षा जांगळी, देवांशी जांगळी व राधिका पांचाळ यांनी आपापल्या गटांमध्ये प्रथम क्रमांक पटकाविले.
कोंड्ये येथील इंद्रनील तावडे कला व वाणिज्य कनिष्ठ महाविद्यालय, निर्मला भिडे जनता विद्यालय यांच्यावतीने अमल विद्यावर्धिनी, मुंबई संस्थेचे संस्थापक कै. इंद्रनील तावडे यांचा स्मृतीदिन साजरा करण्यात आला. या निमित्ताने आयोजित इंग्रजी वत्कृत्व स्पर्धेतील ३ गटात ५३ विद्यार्थ्यांनी सहभाग घेतला होता. त्यात विद्यार्थी प्राथमिक गटात रक्षा जांगळी, शेरीष वाघू, बुर्हान मुकादम यांनी अनुक्रमे तीन क्रमांक पटकाविले. तर, क्रांती बोडके, सई तावडे यांनी उत्तेजनार्थ पारितोषिके पटकावली.
उच्च प्राथमिक गटात देवांशी जांगळी, चार्वी हरळकर, मुक्ता मेजारी यांनी अनुक्रमे तीन प्रथम क्रमांक पटकावले. नाबिया सोलकर, अरोही फडतरे यांची उत्तेजनार्थ पारितोषिकासाठी निवड झाली. माध्यमिक गटामध्ये राधिका पांचाळ, माही दयानी, जस्लीन हाजू यांनी अनुक्रमे प्रथम तीन क्रमांक तर, स्वरा सावंत, अझैन खलीपे यांनी उत्तेजनार्थ पारीतोषिक पटकावली. या स्पर्धेसाठी परीक्षक म्हणून प्रमोद वाघरे, बी. के. गोंडाळ, राजाराम मलगुंडे यांनी काम पाहिले.