मेर्वी शाळेत सावित्रीबाई फुले जयंती साजरी

rat4p11.jpg-
15499
पावस ः मेर्वी शाळेत आयोजित कार्यक्रमात सावित्रीबाई फुले यांच्या प्रतिमेला पुष्पहार अर्पण करताना शिक्षिका शर्वरी करगुटकर, उपशिक्षक चंद्रशेखर पेटकर आदी.

सावित्रीबाई फुले जयंती
मेर्वी शाळेत साजरी
सकाळ वृत्तसेवा
पावस, ता. ४ ः रत्नागिरी तालुक्यातील जिल्हा परिषद पूर्ण प्राथमिक आदर्श मराठी शाळा मेर्वी शाळेत सावित्रीबाई फुले जयंती मोठ्या उत्साहात साजरी करण्यात आली. सावित्रीबाई फुले यांच्या वेशभूषा केलेल्या ऋता हातणकर ही कार्यक्रमाचे आकर्षण ठरली.
मेर्वी शाळेत झालेल्या या कार्यक्रमाच्या आरंभीला सावित्रीबाई फुले यांच्या प्रतिमेला शर्वरी करगुटकर यांनी पुष्पहार घालून अभिवादन केले. त्यानंतर सावित्रीबाई फुले जयंतीनिमित्त पहिली ते सातवीतील विद्यार्थ्यांनी भाषणे केली. या कार्यक्रमात मेर्वी शाळेतील महिला शिक्षिका सौ. शर्वरी करगुटकर, ऐश्वर्या गुरव यांचा सत्कार करण्यात आला. याप्रसंगी सावित्रीबाई फुले जयंतीनिमित्त उपशिक्षक चंद्रशेखर पेटकर यांनी मार्गदर्शन केले. हा कार्यक्रम यशस्वी करण्यासाठी मुख्याध्यापक हिदायत भाटकर, शालेय मंत्रीमंडळ मुख्यमंत्री मैत्रेयी अभ्यंकर, उपमुख्यमंत्री रचित म्हादये आदींनी परिश्रम घेतले.