जिल्हास्तरावर चाचा नेहरू बालमहोत्सवाचे मंगळवारी उद्घाटन

चाचा नेहरू बालमहोत्सवाचे आज उद्‍घाटन
रत्नागिरी, ता. ५ ः जिल्हा महिला व बालविकास अधिकारी कार्यालयामार्फत आयोजित बालकांसाठी जिल्हास्तरावर चाचा नेहरू बालमहोत्सवाचे उद्‍घाटन उद्या (ता. ६) सकाळी १० वाजता छत्रपती शिवाजी महाराज क्रीडासंकुल येथे प्रमुख जिल्हा व सत्र न्यायाधीश व्ही. एन. जाधव यांच्या हस्ते होणार आहे. या वेळी प्रमुख अतिथी जिल्हा न्यायाधीश -१ तथा अतिरिक्त सत्र न्यायाधीश ए. एम. अंबाळकर उपस्थित राहणार आहेत.
निवासी उपजिल्हाधिकारी चंद्रकांत सूर्यवंशी, मुख्य न्याय दंडाधिकारी एस. एस. पिंगळे, जिल्हा विधी सेवा प्राधिकरणाचे सचिव आर. आर. पाटील, प्रथम न्यायदंडाधिकारी तथा प्रधान न्यायदंडाधिकारी बाल न्यायमंडळ ए. डी. गाडे, मुख्याधिकारी वैभव गारवे, जिल्हा कार्यक्रम अधिकारी मल्लिनाथ कांबळे, जिल्हा माहिती अधिकारी प्रशांत सातपुते, जिल्हा क्रीडाधिकारी विजय शिंदे, बाल न्यायमंडळ सदस्या विनया घाग, बालकल्याण समिती सदस्य रजनी सरदेसाई, ॲड. प्रिया लोवलेकर, शिरीष दामले आदींची प्रमुख उपस्थिती लाभणार आहे. या महोत्सवाला उपस्थित राहावे, असे आवाहन जिल्हा महिला व बालविकास अधिकारी मनोज पाटणकर यांनी केले आहे.