घरडा महाविद्यालयात अत्याधुनिक प्रयोगशाळा

- ratchl६१.jpg-
२६O१५९६५
चिपळूण ः लवेल येथील जीआयटीमध्ये झालेल्या कार्यशाळेत सहभागी विद्यार्थी.
---
घरडा महाविद्यालयात अत्याधुनिक प्रयोगशाळा
डॉ. सचिन खेडेकर ; अभियांत्रिकी क्षेत्राकडे जाणाऱ्यांना लाभदायक
सकाळ वृत्तसेवा
चिपळूण, ता. ७ ः घरडा अभियांत्रिकी महाविद्यालयात रोबोटिक्स, थ्रीडी पीसीबी डिझाईन, थ्रीडी प्रिंटिंग व आयओटी तंत्रज्ञानावर आधारित अत्याधुनिक प्रयोगशाळा विकसित केली आहे. विद्यार्थ्यांना ऑटोमेशन व इंडस्ट्री-ओरिएंटेड अभियांत्रिकी क्षेत्रात मोठा लाभ होणार आहे. रोबोटिक्स ऑटोमेशन सोल्युशन्स यांच्या उपक्रमातून ही अद्ययावत प्रयोगशाळा उभारण्यात आली आहे, असे प्रतिपादन इलेक्ट्रॉनिक्स व टेलिकम्युनिकेशन विभागप्रमुख डॉ. सचिन खेडेकर यांनी केले.
खेड तालुक्यातील लोटे येथील घरडा अभियांत्रिकी महाविद्यालयातील इलेक्ट्रॉनिक्स अँड टेलिकम्युनिकेशन अभियांत्रिकी विभागाच्यावतीने रोबोटिक्स व इंटरनेट ऑफ थिंग्स या अत्याधुनिक तंत्रज्ञानावर आधारित सहादिवसीय कार्यशाळेच्या उद्‍घाटनावेळी ते बोलत होते. खेडेकर म्हणाले, कोकण विभागात रोबोटिक्स, आयओटी व थ्रीडी पीसीबी डिझाईन या संकल्पनेवर आधारित उभारली आहे. या प्रयोगशाळेत इतर अभियांत्रिकी शाखांतील विद्यार्थीही कार्य करू शकतील, असे त्यांनी सांगितले. या कार्यशाळेत सहभागी सर्व विद्यार्थ्यांकडून विविध प्रकारचे रोबो तयार करून घेण्यात आले. बेसिक प्रोग्रामिंग, माउटिंग, थ्रीडी पीसीबी डिझाईनचेही प्रशिक्षण देण्यात आले. विद्यार्थ्यांनी स्वतःहून विविध रोबो तसेच पीसीबी बोर्ड तयार केले. ही कार्यशाळा २९ डिसेंबर २०२५ ते ३ जानेवारी २०२६ या कालावधीत पार पडली. कार्यशाळेमध्ये रोबोटिक्स क्षेत्रातील नामवंत तज्ज्ञांचे मार्गदर्शन लाभले. कार्यक्रमात किरण साळवी यांनी रोबोटिक्स व आयओटीचे औद्योगिक उपयोग या संदर्भात मार्गदर्शन केले. या प्रसंगी प्राचार्य डॉ. प्रमोद पाटील यांनी भविष्यात विद्यार्थी औद्योगिक गरजा ओळखून विविध तंत्रज्ञान विकसित करतील, अशी अपेक्षा व्यक्त केली.