मुणगे आडवळवाडी किनारी सिगलचे थवे

16207
मुणगे ः आडवळवाडी किनारी सिगल पक्ष्यांचे थवे दृष्टीस पडत आहेत.

मुणगे आडवळवाडी
किनारी सिगलचे थवे
मुणगे, ता. ७ ः येथील आडवळवाडी समुद्र किनारी सिगल पक्ष्यांचे आगमन झाले आहे. या परिसरात पक्ष्यांची मोठी वर्दळ दिसते आहे. सिगल पक्षी दरवर्षी थंडीच्या हंगामात कोकण किनारपट्टीवर स्थलांतर करतात. हे पक्षी रशिया आणि उत्तर युरोपातील बर्फाच्छादित प्रदेशातून ५-६ हजार किलोमीटरचा प्रवास करून येथे दाखल होतात. सिगलच्या आगमनाने कोकण किनारपट्टीवर पर्यटकांची गर्दी वाढली आहे. हे पक्षी पाहण्यासाठी आणि त्यांचे फोटो काढण्यासाठी पर्यटक मोठ्या प्रमाणात समुद्र किनारी येत आहेत. आडवळवाडी येथील किनाऱ्यावर सिगलचे थवे दाखल झाले आहेत. हे थवे पाहण्यासाठी येथील ग्रामस्थांसह पर्यटक गर्दी करत आहेत.