कणकवली : रक्‍तदान शिबिर

kan74.jpg
16283
कणकवली : शहरातील भालचंद्र महाराज संस्थानमध्ये रक्तदान शिबिराचा प्रारंभ करताना सुरेश कामत. सोबत दादा नार्वेकर निवृत्ती धडाम, प्रसाद अंधारी, विद्याधर तायशेटे, उमेश वाळके (छायाचित्र : अनिकेत उचले)

कणकवलीत भालचंद्र महाराजाच्या
जन्मोत्सवानिमित्त १२२ दात्यांचे रक्तदान
कणकवली, ता. ७ : परमहंस भालचंद्र महाराज यांच्या १२२ व्या जन्मोत्सवाच्या पार्श्वभूमीवर आज संस्थानमध्ये रक्‍तदान शिबिर झाले. यात महाराजांच्या जन्मवर्षाशी साधर्म्य साधत तब्बल १२२ रक्तदात्यांनी रक्तदान करून समाजप्रती आपले योगदान दिले.
या रक्तदान शिबिराचे उद्घाटन संस्थानचे अध्यक्ष सुरेश कामत यांच्या हस्ते करण्यात आले. या उपक्रमाला रक्तदात्यांचा उत्स्फूर्त प्रतिसाद लाभला. यावेळी संस्थानचे खजिनदार दादा नार्वेकर, सेक्रेटरी निवृत्ती धडाम, विश्वस्त प्रसाद अंधारी, गजानन उपरकर, नागेश मुसळे, विजय केळूसकर, प्रा. दिवाकर मुरकर, डॉ. विद्याधर तायशेटे, सभासद उमेश वाळके, सोमनाथ खेडेकर, अँड. प्रवीण पारकर, चेतन अंधारी, विजय राणे, श्रीरंग पारगावकर आदी उपस्थित होते.
रक्तदान हेच श्रेष्ठ दान असून अशा उपक्रमांतून समाजात सकारात्मक ऊर्जा निर्माण होते, असे प्रतिपादन सुरेश कामत यांनी केले.