गुणीजन शिक्षक पुरस्कार वितरण ११ ला निवळीत

गुणिजन पुरस्कारा’चे रविवारी वितरण
शिक्षणक्रांती संघटना ; प्रत्येक तालुक्यातील दोन शिक्षकांचा समावेश
सकाळ वृत्तसेवा
संगमेश्वर, ता. ८ ः राज्य शिक्षणक्रांती संघटनेचे गुणिजन शिक्षक आणि शिक्षिका पुरस्कार वितरण ११ रोजी रत्नागिरीतील निवळीतिठा येथील यशवंतराव माने माध्यमिक विद्यालयात होणार आहे.
निवळीतील विद्यालयात होणाऱ्या या कार्यक्रमाला रत्नसिंधू शिक्षण प्रसारक संस्थेचे अध्यक्ष सुरेंद्र माने उपस्थित राहणार आहेत. स्मृती पुरस्कार वितरण होईल. या वेळी अनुदानित शाळा वाचवण्यासाठी संघटनेचे कार्य सुधीर घाग यांचे मार्गदर्शन होणार आहे. पुरस्कारप्राप्त जिल्हा गुणिजन शिक्षक आणि शिक्षिकांमध्ये जयवंत नायकवडे, सरस्वती विद्यामंदिर पाचल (राजापूर), आशालता सावंत (राजापूर हायस्कूल), रवींद्र वासुरकर, नेहा पाटोळे (लांजा), रणजीत वासुदेव (शिर्के प्रशाला), शीतल सामंत, स्वामी स्वरूप आनंद विद्यामंदिर पावस (रत्नागिरी), मिलिंद शहाणे, मनाली जाधव (संगमेश्वर), आनंदा घाटगे, राखी भुरण (चिपळूण), विनायक जाधव, मनीषा सावंत (गुहागर), विवेकानंद कांबळे, अंजना टकले (खेड), हेमंत शिगवण, मानसी अभ्यंकर (दापोली), तानाजी याचावाड, उषा हुलगे (मंडणगड) यांचा समावेश आहे. तसेच सेवानिवृत्त संघटना विशेष कार्य पुरस्कार दामोदर लिंगायत, प्रकाश कुंभार, काशिनाथ चव्हाण, सुरेश भंडारी, विलास खोत यांना जाहीर झाला आहे.
या वेळी राज्य उपाध्यक्ष उत्तम कांबळे, कोकण विभाग उपाध्यक्ष रमेश जाधव, कोकण विभाग उपाध्यक्ष आनंद त्रिपाठी, जिल्हाध्यक्ष राहुल सप्रे, जिल्हा कार्यवाह महेंद्र कुवळेकर, दक्षिण विभाग अध्यक्ष अभिजित सप्रे, उत्तर विभाग अध्यक्ष महिंद्र जाधव, प्रसाद पंगेरकर हे उपस्थित राहणार आहेत.