गोगटे महाविद्यालयास उपविजेतेपद

-rat८p१२.jpg-
२६O१६३५६
रत्नागिरी : मुंबई विद्यापीठ तायक्वांदो स्पर्धेत उपविजेतेपद पटकावणारा गोगटे-जोगळेकर महाविद्यालयाचा संघ. मागे उभे क्रीडा संचालक डॉ. विनोद शिंदे व मान्यवर.
------
तायक्वांदोत ‘गोगटे’ला उपविजेतेपद
सकाळ वृत्तसेवा
रत्नागिरी, ता. ८ : मुंबई विद्यापीठ पुरुष व महिला तायक्वांदो स्पर्धेत गोगटे- जोगळेकर महाविद्यालय (स्वायत्त) रत्नागिरीच्या पुरुष व महिला संघाने यश मिळवले. संघाने एक सुवर्णपदक, एक रौप्यपदक आणि दोन कास्यपदक प्राप्त करत महाविद्यालयाच्या महिला संघाने महिला तायक्वांदो स्पर्धेचे सर्वसाधारण उपविजेतेपद पटकावले.
मुंबई विद्यापीठ आणि मार्गताम्हाणे येथील डॉ. तात्यासाहेब नातू, आर्ट्स आणि कॉमर्स महाविद्यालयाच्या संयुक्त विद्यमाने ही स्पर्धा आयोजित केली होती. या स्पर्धेत गोगटे महाविद्यालयाच्या महिला संघात श्रुती चव्हाण (५४ किलोखालील) हिने सुवर्णपदक पटकावले. समर्था बने (४६ ते ४९ किलोगट) हिने रौप्यपदक मिळवले. पुरुष संघातील सुजल सोळंके (६८ ते ७४ किलो) याने कास्य, देवेन सोपल (५४ किलोखालील गट) यानेही कास्यपदक मिळवले. सई सावंत (७३ किलोवरील गट) व पार्थ गावडे (५४ ते ५८ किलो) या विद्यार्थ्यांनी सहभाग घेतला होता.
महाविद्यालयाच्या पुरुष व महिला तायक्वांदो संघाला महाविद्यालयाचे क्रीडा संचालक डॉ. विनोद शिंदे, प्रशिक्षक शाहरुख शेख, प्रा. कल्पेश बोटके यांचे मार्गदर्शन आणि जिल्हा तायक्वांदो असोसिएशनचे सहकार्य लाभले.