मार्लेश्वरचा १२, १३ ला वार्षिक यात्रोत्सव

मार्लेश्वरचा सोमवारपासून यात्रोत्सव
साखरपा, ता. ८ ः सालाबादप्रमाणे देवरूखजवळील मार्लेश्वरचा यात्रोत्सव १२ आणि १३ जानेवारीला होणार आहे. त्या निमित्ताने आंगवली येथील आद्य देवस्थान मार्लेश्वर आणि ग्रामस्थांतर्फे विविध कार्यक्रमांचे आयोजन करण्यात आले आहे. यात्रोत्सवात १२ जानेवारीला सकाळी १० वा. वरद शंकर पूजा, दुपारी तीन वा. खेळ पैठणीचा प्राथमिक फेरी, सायंकाळी पाच वा. ध्वजारोहण, सात वा. दीपोत्सव, साडेसात वाजता श्री मार्लेश्वर देवदेवतांना हळद लावणे व हळदीकुंकू, रात्री ९ वा. महाप्रसाद, सत्कार, १० वा. कोकणचा साज संगमेश्वरी बाज हा कार्यक्रम होईल. १३ ला सकाळपासून विविध मानाच्या पालख्यांचे व दिंड्यांचे श्री मार्लेश्वर मंदिरात आगमन होणार असून, त्या शिखराकडे प्रस्थान करतील. सायंकाळी चार वाजता खेळ पैठणीचा अंतिम फेरी, सात वाजता श्री देव मार्लेश्वर यांचे विवाहसोहळ्यास जाण्यापूर्वीचे विविध धार्मिक विधी, रात्री ८ वा. महाप्रसाद, ११.३० वा. श्री देव मार्लेश्वर यांचे कल्याण विधीसाठी शिखराकडे प्रस्थान. हे सर्व कार्यक्रम आंगवली येथील देवस्थान येथे होतील.