बांद्यात रस्त्याच्या कामाला प्रारंभ
16531
बांद्यात रस्त्याच्या कामाला प्रारंभ
सकाळ वृत्तसेवा
बांदा, ता. ९ ः बांदा-गवळीटेंब येथील दीपक बांदेकर यांच्या घरासमोरील रस्ता आणि निमजगावाडीतील संजय सावंत यांच्या घराजवळील पाणंद रस्ता या दोन्ही रस्त्यांच्या कामाचे भूमिपूजन आज पार पडले. ज्येष्ठ नागरिक हनुमंत सावंत आणि सविता बांदेकर यांच्या हस्ते श्रीफळ वाढवून या विकासकामांचा प्रारंभ करण्यात आला.
या दोन्ही रस्त्यांची अवस्था गेल्या अनेक वर्षांपासून बिकट झाली होती, ज्यामुळे स्थानिक वस्तीतील नागरिकांना येण्या-जाण्यासाठी मोठा त्रास सहन करावा लागत होता. या रस्त्यांच्या कामासाठी ग्रामपंचायत सदस्य प्रशांत बांदेकर आणि भाजप बांदा मंडल उपाध्यक्ष गुरू कल्याणकर यांनी सातत्याने पाठपुरावा केला होता. त्यांच्या प्रयत्नांना यश आल्याने ग्रामस्थांनी आनंद व्यक्त केला. वस्तीतील अंतर्गत रस्ते झाल्यामुळे लोकांचा अनेक वर्षांचा दळणवळणाचा प्रश्न आता सुटणार आहे. या भूमिपूजन कार्यक्रमाला भाजप महिला जिल्हाध्यक्षा श्वेता कोरगावकर, सरपंच प्रियांका नाईक, उपसरपंच आबा धारगळकर, शहराध्यक्ष बाबा काणेकर, ग्रामसेवक आदम शहा, माजी सरपंच अशोक सावंत यांच्यासह अनेक मान्यवर उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.