पालकमंत्री नीतेश राणे आज सिंधुदुर्ग दौऱ्यावर

16609

पालकमंत्री आज
सिंधुदुर्ग दौऱ्यावर
सिंधुदुर्गनगरी, ता. ९ ः राज्याचे मत्स्यव्यवसाय व बंदरे मंत्री तसेच सिंधुदुर्ग जिल्ह्याचे पालकमंत्री नीतेश राणे उद्या (ता.१०) जिल्ह्याच्या दौऱ्यावर येत आहेत. त्यांचा दौरा असा ः सकाळी ८.३० वाजता मनोहर आंतरराष्ट्रीय विमानतळ, मोपा (गोवा) येथे आगमन व मोटारीने सिंधुदुर्गकडे प्रयाण. सकाळी १०.१५ वाजता पालकमंत्री चषक २०२६ अंतर्गत तालुकास्तरीय भजन स्पर्धेच्या उद्घाटनास उपस्थिती (स्थळ : भगवती मंगल कार्यालय, कणकवली). सकाळी ११ वाजता मसुरे आंगणेवाडी (ता.मालवण) येथील श्री भराडी देवी वार्षिक जत्रोत्सव संदर्भात आढावा बैठक (स्थळ : जिल्हाधिकारी कार्यालय, सिंधुदुर्ग). सकाळी ११.३० वाजता कुणकेश्वर (ता.देवगड) येथील श्री देव स्वयंभू देवाच्या वार्षिक जत्रोत्सव संदर्भात आढावा बैठक. दुपारी १२ वाजता राजकोट किल्ला येथील छत्रपती शिवाजी महाराज पुतळा परिसरात शिवसृष्टी व पर्यटनपूरक सुविधा निर्माण करण्याबाबत जिल्हास्तरीय समितीची आढावा बैठक, दुपारी १२.३० वाजता मुख्यमंत्री समृद्ध पंचायतराज अभियान २०२५–२६ अंतर्गत जिल्हा परिषदेकडील विविध कामांचे भूमिपूजन व उद्घाटन, तसेच वैयक्तिक लाभ वितरण व सन्मान सोहळ्यास उपस्थिती (स्थळ : इच्छापूर्ती मंगल कार्यालय, ओरोस, सिंधुदुर्गनगरी). दुपारी १ वाजता मोपा (गोवा) कडे प्रयाण.