- रंगला ''अतुल्य भारत''चा आविष्कार

-rat९p२५.jpg-
२६O१६६१५
रत्नागिरी ः विसपुते स्कूलमधील सांस्कृतिक महोत्सवात नृत्य सादर करताना विद्यार्थिनी.
--
रत्नागिरीत रंगला ‘अतुल्य भारत’
विसपुते इंग्लिश स्कूल ; बहारदार नृत्यातून राज्यांचे दर्शन
सकाळ वृत्तसेवा
रत्नागिरी, ता. १० ः कुवारबाव येथील मातोश्री कमलबाई विसपुते इंग्लिश मीडियम स्कूल अँड ज्युनिअर कॉलेजचा (कुवारबाव) वार्षिक सांस्कृतिक महोत्सव ‘अतुल्य भारत’ कार्यक्रम उत्साहात झाला.
स्वातंत्र्यवीर सावरकर नाट्यगृहात येथे या कार्यक्रमाचे आयोजन केलेले होते. यावर्षीच्या सांस्कृतिक कार्यक्रमाची संपूर्ण आखणी ‘अतुल्य भारत’ या संकल्पनेवर आधारित होती. विद्यार्थ्यांनी आपल्या बहारदार नृत्याविष्कारांतून भारतातील विविध राज्यांचे दर्शन घडवले. विद्यार्थ्यांच्या तालावर मान्यवरांनीही धरला ठेका कार्यक्रमाचे प्रमुख आकर्षण म्हणजे बालगोपाळांचे मंत्रमुग्ध करणारे सादरीकरण. संस्थेचे अध्यक्ष धनराज विसपुते, राजेंद्र कारंजकर आणि नरेंद्र गावंड यांनी रंगमंचावर जाऊन विद्यार्थ्यांसोबत नृत्यात सहभाग घेतला. कार्यक्रमाला प्रवीण मलुष्टे, जयंत जोशी, उमेश राऊत, अनिल काटे, स्नेहल वैशंपायन, ज्योती गावंड आणि ईशा पेडणेकर आदी उपस्थित होते.