‘अंकनाद’मध्ये देवांशला यश

16923

‘अंकनाद’मध्ये
देवांशला यश
तळेरे, ता. ११ : महाराष्ट्र राज्य मराठी भाषा विकास संस्था, महाराष्ट्र शासन व मॅप एपिक कम्युनिकेशन प्रायव्हेट लिमिटेड यांच्या संयुक्त विद्यमाने आयोजित लोकमान्य टिळक अंकनाद पाढे सात्मीकरण स्पर्धा (राष्ट्रीय स्पर्धा) पर्व सात मध्ये पहिलीचा विद्यार्थी देवांश चव्हाण याने बालगटात राज्यात द्वितीय क्रमांक मिळविला. त्याचे सर्वत्र अभिनंदन केले जात आहे. याच स्पर्धेच्या पर्व ६ मध्ये या शाळेतील विद्यार्थिनी जिनत हिने प्रथम क्रमांक मिळविला होता. या यशाबद्दल शाळा व्यवस्थापन समिती, विविध समित्या आणि पालक, अधिकारी, पदाधिकारी व सर्वस्तरावरून देवांशचे कौतुक करण्यात येत आहे. त्याला वर्गशिक्षक तथा मुख्याध्यापक अमरीन शेख यांचे मार्गदर्शन, सहकारी शिक्षक लक्ष्मण घोटकर, सद्गुरू तळेकर यांचे सहकार्य लाभले. सलग दुसऱ्या वर्षी शाळेने राज्यस्तरीय स्पर्धेत यश प्राप्त केल्यामुळे पालकांनी समाधान व्यक्त केले.