वैभववाडीत ज्येष्ठांसाठी वैद्यकीय उपकरणे प्रदान

वैभववाडीत ज्येष्ठांसाठी
वैद्यकीय उपकरणे प्रदान
वैभववाडी, ता. २७ ः रोटरी क्लब ऑफ वैभववाडी यांच्या वतीने वैभववाडी येथे मेडिकल इक्विपमेंट बँक स्थापन करण्यात आली आहे. यामध्ये विविध आरोग्य विषयक साहित्य रोटरी क्लब ऑफ वैभववाडी यांच्यामार्फत वैभववाडी ज्येष्ठ नागरिक सेवा संघाला सुपूर्द करण्यात आले. माजी गव्हर्नर डॉ. संग्राम पाटील, गटविकास अधिकारी प्रिमेश वाघ, असि. गव्हर्नर डॉ. प्रशांत कोलते, एरिया हेड डॉ. विद्याधर तायशेटे, शांताराम काका रावराणे, रोटरी अध्यक्ष सचिन रावराणे, नामदेव गवळी, स्नेहल रावराणे, संतोष टक्के, प्रशांत गुळेकर, संजय रावराणे व सदस्य उपस्थित होते. मेडिकल इक्विपमेंटमध्ये वॉटर बेड २, एअर बेड २, व्हीलचेअर २, वॉकर २, ऑक्सिजन कॉन्सन्ट्रेशन १, युरीन पोट १ आदी साहित्य संघाकडे सुपूर्द करण्यात आले. या सर्व साहित्याची देखभाल ज्येष्ठ नागरिक संघामार्फत केली जाईल, असे आश्वासन शांताराम रावराणे यांनी दिले. विद्याधर सावंत यांनी आभार मानले.