पांडुरंग पाटील यांच्या बैलगाडीला किंगमेकर केसरी किताब

rat11p30.jpg-
16972
पाली ः किंगमेकर केसरी राज्यस्तरीय बैलगाडी स्पर्धेतील प्रथम क्रमांकाच्या विजेत्याला गौरवताना पाली युवा मंच व शिवसेना पदाधिकारी.
------------
पांडुरंग पाटील यांच्या बैलगाडीला किंगमेकर केसरी किताब
राज्यस्तरीय बैलगाडी स्पर्धा; पालीच्या रोहित सावंतदेसाईंची बैलजोडी द्वितीय
सकाळ वृत्तसेवा
पाली, ता. ११ः आमदार किरण सामंत यांच्या वाढदिवसाचे औचित्य साधून पाली येथे आयोजित राज्यस्तरीय किंगमेकर केसरी बैलगाडी शर्यत स्पर्धेत राज्याच्या कानाकोपऱ्यातून आलेल्या बैलजोड्या सहभागी झाल्या होत्या. या स्पर्धेत राज्यस्तरीय गटात शाहूवाडीच्या पांडुरंग विष्णू पाटील यांच्या गाडीने प्रथम क्रमांक पटकावत ‘किंगमेकर केसरी’ किताबावर नाव कोरले.
राज्य बैलगाडी स्पर्धेच्या बक्षीस समारंभाला आमदार किरण सामंत, ज्येष्ठ उद्योजक रवींद्र सामंत, हिंदकेसरी पैलवान चंद्रहार पाटील, शिवसेना तालुकाप्रमुख महेश म्हाप आदी उपस्थित होते. सर्व गटातील विजेत्यांना चषक (ढाल) आणि रोख रक्कम देऊन सन्मानित करण्यात आले. पाली परिसरातील बैलगाडी शर्यत प्रेमींनी शिस्तबद्ध पद्धतीने सहकार्य केल्याने कोणताही अनुचित प्रकार न घडता स्पर्धा अत्यंत दिमाखात पार पडली.

चौकट
स्पर्धेचा निकाल असा
- राज्यस्तरीय गट (प्रथम, द्वितीय, तृतीय याप्रमाणे) ः पांडुरंग विष्णू पाटील (शाहूवाडी), रोहित सावंतदेसाई (पाली), स्वयंभू भराडीन (चरवेली), बाबा गांधी (लांजा), संभाजी प्रसन्न दुनियादारी ग्रुप (कशेळी), मनोहर भगवान हरमले (लांजा), आबासाहेब पाटील, भाजप नेते (शाहूवाडी).
- जिल्हास्तरीय गट : विशाल संतोष लिंगायत (लांजा), विनायक प्रकाश पाले (लांजा), आय लव मोहम्मद (पावस).
- तालुकास्तरीय गट ः संतोष लक्ष्मण चव्हाण (साठरेबांबर), संजय वामन सावंत (साठरेबांबर), शेखर सुर्वे (पाली).
- गावठी गट ः जयसंभा प्रसन्न पाडगाव (देवरुख), आई सुकाई काळकाई प्रसन्न मुरडव (संगमेश्वर), जयसंभा प्रसन्न पाडगाव (देवरुख).