वेतोशीत हापूस आंब्यांच्या ५ बागा खाक
16887
वेतोशीत आंब्यांच्या ५ बागा खाक
पंपहाऊसमध्ये शॉर्टसर्किट ः लाखो रुपयांचे नुकसान
सकाळ वृत्तसेवा
रत्नागिरी, ता. ११ : तालुक्यातील वेताशी-धनगरवाडी येथे दुपारच्या सुमारास आंबा कलमांच्या बागेंना आग लागली. या आगीत पाच आंब्यांच्या बागा जळून खाक झाल्या. या आगीत लाखो रुपयांचे नुकसान झाले असून बागायतारांचे मोठे आर्थिक नुकसान झाले आहे.
ही घटना शनिवारी (ता. १०) दुपारी दीडच्या सुमारास घडली. मिळालेल्या माहितीनुसार धनगरवाडी येथील कृष्णा बाबू झोरे यांच्या आंबा बागेत विहिरीजवळ पंप हाऊसमध्ये आग लागली. सुरुवातीला ही आग नियंत्रणात आणण्यात यश आले होते. मात्र काही वेळाने अचानक आगीने पुन्हा भडका उडाला आणि बघता-बघता आगीने रौद्र रुप धारण केले. या आगीत कृष्णा बाबू झोरे, शांताराम धाकल्या झोरे, बबन कोंड्या झोरे यांच्या आणखी चार आंबा बाग पूर्णपणे जळून खाक झाल्या.
या घटनेची माहिती मिळताच अग्निशमन दलाला पाचारण करण्यात आले. मात्र तोपर्यत पाचही आंब्याच्या बागा आगीच्या भक्ष्यस्थानी सापडल्या होत्या. घटनेची माहिती मिळताच ग्रामीण बॅंकेचे प्रतिनीधीही घटनास्थळी दाखल झाले. या आगीत पाचही बागायतदारांच्या हाती तोंडाशी आलेला घास हिरावून गेला असून लाखो रुपयांचे नुकसान झाल्याचा अंदाज व्यक्त करण्यात येत आहे. घटनेबाबत पुढील पंचनामा व तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.