माघी गणेशोत्सवात भरगच्च कार्यक्रम
सुवर्णमहोत्सवी माघी गणेशोत्सवाची भक्तिमय पर्वणी
अजित कडकडे यांचा कार्यक्रम; तीन नाटकांचे सादरीकरण, खालची आळीत उत्सव
सकाळ वृत्तसेवा
रत्नागिरी, ता. १२ : खालची आळी येथील मारुती कॉमन क्लबतर्फे माघी गणेशोत्सवाचे आयोजन २२ ते २९ जानेवारीदरम्यान करण्यात आले आहे. मंडळाचे माघी उत्सवाचे यंदा सुवर्णमहोत्सवी वर्ष आहे. सुप्रसिद्ध गायक अजित कडकडे यांचा अभंग-भक्तिसंगीताचा बहारदार कार्यक्रम, तीन नाटके रंगणार आहेत. उत्सवात कालावधीत भाविक व रसिकांसाठी कार्यक्रमांची पर्वणी मिळणार आहे.
उत्सवाची सुरुवात २१ जानेवारी रोजी सायंकाळी ५ वा. ‘श्रींची आगमन मिरवणूक’ पुणे येथील सुप्रसिद्ध प्रभात ब्रास बँड यांच्या सुमधुर वादनाने होणार आहे. २२ ला पहाटे प्राणप्रतिष्ठापना, सकाळी श्री सत्यनारायण पूजा व सायंकाळी सार्वजनिक मंडळ व मान्यवरांचा सत्कार समारंभ आयोजित करण्यात आला आहे. रात्री ८ वा. श्रींची आरती व मंत्रपुष्पांजलीनंतर ९.३० वा. रूपाली करमरकर यांचा विठू रंग हा सांस्कृतिक कार्यक्रम सादर होणार आहे. २३ ला सायं. ४.३० वा. बागेश्री भजन मंडळाचे भजन, रात्री ९ वा. ६४ व्या महाराष्ट्र राज्य हौशी मराठी नाट्यस्पर्धेत केंद्रस्तरीय प्रथम पारितोषिक विजेते समर्थ रंगभूमीचे ‘अग्निपंख’ सादर करण्यात येणार आहे. २४ ला रात्री ९ वा. भरत नाट्यमंडळ, पुणे प्रस्तुत रणजित देसाई लिखित संगीत नाटक ‘हे बंध रेशमाचे’ रंगमंचावर सादर होईल. २५ ला सकाळी ८.३० वा. श्रीगणेश याग, सायं. ५ वा. हळदीकुंकू होईल. रात्री ९ वा. कलारंग नाट्य प्रतिष्ठान, वरवडे, खंडाळा प्रस्तुत व प्रा. वसंत कानेटकर लिखित, नितीन जोशी दिग्दर्शित संगीत नाटक ‘मृत्युंजय’ सादर होणार आहे. २६ ला सायं. ५ वा. माजी सैनिकांचा सत्कार सोहळा व प्रबोधन असा कार्यक्रम आयोजित केला आहे. यात अनुराधा प्रभुदेसाई (अध्यक्ष, लक्ष्य फाउंडेशन) व कर्नल केदार परांजपे प्रमुख पाहुणे म्हणून उपस्थित राहणार आहेत. २७ ला रात्री ९ वा. सुप्रसिद्ध गायक अजित कडकडे यांचा अभंग-भक्तिसंगीताचा बहारदार कार्यक्रम रंगणार आहे. २८ ला सकाळी ८ वा. श्री सत्यनारायण पूजा, तीर्थप्रसाद व रात्री ९.३० वा. मारुती कॉमन क्लब महिला मंडळ ‘अनुभव’ (वीण नात्यांची) हा कार्यक्रम, विविध गुणदर्शन कार्यक्रम सादर होणार आहे. २९ ला सायं. ७ वा. श्रींची विसर्जन मिरवणूक काढून भक्तिभावात बाप्पाला निरोप देण्यात येणार आहे. उत्सवकाळात दररोज सायंकाळी ७ ते ८ या वेळेत आरती होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.