चिपळूण पालिकेची जीर्ण इमारत लवकर जमीनदोस्त

ratchl१२१.jpg -
17181
चिपळूण ः पालिकेची जीर्ण झालेली इमारत.
---------
चिपळूण पालिकेची जीर्ण इमारत लवकर जमिनदोस्त
बांधकाम पाडण्यास सुरवात ; ११ कोटीतून बांधणार नवीन इमारत
सकाळ वृत्तसेवा
चिपळूण, ता. १२ः चिपळूण पालिकेच्या जीर्ण झालेल्या जुन्या इमारतीच्या जागी लवकरच आधुनिक व सुसज्ज नवी प्रशासकीय इमारत उभारली जाणार आहे. त्या दृष्टीने सध्या जुन्या इमारतीचे पाडकाम ब्रेकरच्या सहाय्याने सुरू करण्यात आले. संबंधित ठेकेदाराकडून आवश्यक मनुष्यबळ व यंत्रसामग्रीच्या मदतीने हे काम युद्धपातळीवर सुरू आहे.
पालिकेच्या नवीन इमारतीसाठी शासनाकडून ११ कोटीचा निधी मंजूर झाला आहे. उर्वरित निधीही लवकरच प्राप्त होणार असून, त्यानंतर संपूर्ण क्षमतेने नव्या इमारतीचे बांधकाम सुरू केले जाणार आहे. या पार्श्वभूमीवर नुकतीच जीर्ण इमारत पाडण्याच्या कामाला सुरवात झाली. विशेष खबरदारी घेत हे काम सुरू असून, लवकरच जुनी इमारत जमीनदोस्त होणार आहे. चिपळूण शहराच्या प्रशासकीय कामकाजाला अधिक गती व सक्षमता देण्यासाठी भविष्यात उभी राहणारी नवी इमारत अत्यंत महत्त्वाची ठरणार आहे. आधुनिक सुविधांनी सुसज्ज असलेल्या या इमारतीमुळे पालिका कर्मचाऱ्यांना कार्यक्षम वातावरण मिळेल तसेच नागरिकांनाही विविध सेवा अधिक सुलभ आणि जलद मिळणार असल्याची अपेक्षा व्यक्त करण्यात येत आहे.