रक्तदान शिबिरास प्रतिसाद

रक्तदान शिबिरास
उत्स्फूर्त प्रतिसाद
मंडणगड ः नाणीज येथील जगद्‍गुरू श्रीमद् रामानंदाचार्य नरेंद्राचार्यजी दक्षिण पीठ यांच्या प्रेरणेने राबवण्यात येत असलेल्या जीवनदान महाकुंभ २०२६ या उपक्रमांतर्गत मंडणगड तालुका शाखेतर्फे श्रद्धा हॉस्पिटल येथे रक्तदान व रक्तगट तपासणी शिबिर झाले. समाजात रक्तदानाचे महत्त्व अधोरेखित व्हावे या उद्देशाने आयोजित रक्तगट तपासणी शिबिराचाही नागरिकांनी मोठ्या प्रमाणावर लाभ घेतला. कार्यक्रमाला माजी जिल्हा सदस्या अस्मिता केंद्रे, शिवसेना तालुकाप्रमुख प्रताप घोसाळकर, शहरप्रमुख विनोद जाधव, नितीन म्हामुणकर, सिद्धेश देशपांडे आदी उपस्थित होते. संप्रदायाचे तालुका अध्यक्ष अश्विनी जाधव यांच्यासह सुधीर महाडीक, अनंत रटाटे, राजेश पाडावे, संजीवनी महाडीक, मनोज घाडे, राजेश भुवड, सचिन लोंढे, संतोष पोस्टुरे व धाडसे यांनी शिबिराच्या यशस्वी आयोजनासाठी विशेष परिश्रम घेतले.

सावंत महाविद्यालयात
हिंदी दिन उत्साहात
साखरपा ः येथील प्रा. आबासाहेब सावंत कला आणि वाणिज्य महाविद्यालयात आंतरराष्ट्रीय हिंदी दिन साजरा करण्यात आला. प्रा. प्रसाद झेपले यांनी हिंदी भाषेचा इतिहास आणि जागतिक स्तरावरील तिचे महत्त्व या विषयावर विचार मांडले. हिंदी विषय शिक्षिका आकांक्षा इंदुलकर यांनी मनोगत व्यक्त केले.