करंबेळे-शेवरवाडी शाळेला गटशिक्षणाधिकाऱ्यांची भेट

करंबेळे-शेवरवाडी शाळेला
गटशिक्षणाधिकाऱ्यांची भेट
संगमेश्वर, ता.१६ ः जिल्हा परिषद प्राथमिक शाळा करंबेळे शेवरवाडीला संगमेश्वर तालुक्याचे गटशिक्षणाधिकारी विजय परीट यांनी अचानक भेट दिली. पहिली ते चौथीच्या विद्यार्थ्यांना शैक्षणिक गुणवत्तेविषयी काही प्रश्न विचारून गटशिक्षणाधिकारी यांनी विद्यार्थ्यांच्या गुणवत्तेची चाचपणी केली.
शालेय कामकाजाविषयी गटशिक्षणाधिकारी यांनी समाधान व्यक्त केले. या वेळी त्यांनी मुलांना शैक्षणिक मार्गदर्शन केले. त्यांच्यासमवेत समीर काबदुले हे उपस्थित होते. प्रशालेच्या मुख्याध्यापिका वेदिका पराडकर, शिक्षणसेवक सुप्रिया देसाई यांनी गटशिक्षणाधिकारी परीट आणि समीर काब्दुले यांचे ग्रंथ देऊन स्वागत केले. या वेळी परीट म्हणाले, या शाळेचा भाग जरी दुर्गम असला तरीही निसर्गाच्या सान्निध्यात आहे. शाळेच्या भिंती जशा बोलक्या आहेत तशी येथील मुलंदेखील बोलकी आणि हुशार असल्याचे नमूद करून त्यांनी विद्यार्थी आणि शिक्षकांना शुभेच्छा दिल्या. आपण परत या शाळेत जरूर भेट देऊ, असे आश्वासनही त्यांनी या वेळी दिले.