सावंतवाडी ‘पंचम खेमराज’च्या चौघांची ‘अग्नीवीर’साठी निवड

18251

सावंतवाडी ‘पंचम खेमराज’च्या
चौघांची ‘अग्‍निवीर’साठी निवड

सकाळ वृत्तसेवा
सावंतवाडी, ता. १६ ः श्री पंचम खेमराज महाविद्यालयामधील एनसीसी आर्मी कॅडेट्स आर्य गावडे व प्रणव भालेकर यांची भारतीय सैन्य दलामध्ये निवड झाली. तसेच महाविद्यालयातील अविष्कार डिचोलकर व गणेश गावडे याचीही भारतीय सैन्यदलामध्ये ‘अग्‍निवीर’साठी निवड झाली. यानिमित्ताने आर्य गावडे व अविष्कार डिचोलकर यांचा सत्कार नगराध्यक्षा श्रद्धा भोसले यांच्या हस्ते झाला.
संस्थेचे कार्यकारी विश्वस्त युवराज लखमसावंत भोसले यांच्या मार्गदर्शन व प्रोत्साहनामुळे हे यश लाभले. संस्थेचे अध्यक्ष राजेसाहेब खेमसावंत भोसले, राणीसाहेब सौ. शुभदादेवी भोसले, युवराज्ञी उर्वशीराजे भोसले, संचालक प्रा. डी. टी. देसाई यांनी अभिनंदन केले आहे. उद्याच ते प्रशिक्षणासाठी त्यांना दिलेल्या प्रशिक्षण स्थळी रवाना होत आहेत. याप्रसंगी संस्थेचे संचालक ॲड. शामराव सावंत, डॉ. सतीश सावंत व जयप्रकाश सावंत, त्याचबरोबर महाविद्यालयाचे प्राचार्य डॉ. डी. एल. भारमल, एनसीसी आर्मी विभागप्रमुख लेफ्टनंट डॉ. सचिन देशमुख, महाविद्यालयातील इतर सर्व प्राध्यापक वर्ग, शिक्षकेतर कर्मचारी, एनसीसी कॅडेट्स व सर्व विद्यार्थी याप्रसंगी उपस्थित होते.