बांदा येथे २२ पासून माघी गणेश जयंती
18255
बांदा येथे २२ पासून
माघी गणेश जयंती
सकाळ वृत्तसेवा
बांदा, ता. १६ ः येथील श्री पिंपळेश्वर गणपती मंदिरात २२ व २३ ला माघी गणेश जयंती उत्सवाचे आयोजन करण्यात आले आहे. या सोहळ्यानिमित्त विविध धार्मिक व सांस्कृतिक कार्यक्रम आयोजित केले आहेत.
२२ ला पहाटे ५ वाजता काकड आरती, अभिषेक व पुजा, सकाळी ९ वाजता श्री गणेश पूजा, श्री सत्यनारायण महापुजा, दुपारी १ वाजता महाआरती व महाप्रसाद, सायंकाळी ५ वाजता सुश्राव्य भजनाचा कार्यक्रम, तर सायंकाळी ७ वाजता सायं आरती होईल. रात्री ८ वाजता बाळकृष्ण दशावतार नाट्यमंडळ कोळंब, मालवण यांचा ‘कर्मणो गहणा गती, धर्म निष्ठ राजा सोमकांत’ हा नाट्यप्रयोग सादर होणार आहे. २३ ला सायंकाळी ६.१५ वाजता कार्यक्रमाचे मान्यवरांच्या उपस्थितीत उद्घाटन होणार आहे. सायंकाळी सातला जादूगार केतनकुमार यांचा मॅजिक शो होणार आहे. रात्री आठला निवेदक शुभम धुरी यांच्यासोबत खेळ संगीत पैठणीचा हा खेळ खास महिलांसाठी रंगणार आहे. यामध्ये पहिल्या सहभागी होणाऱ्या ६० महिलांना साडी भेट देण्यात येणार आहे. भाविकांनी या सोहळ्याचा लाभ घेण्याचे आवाहन श्री पिंपळेश्वर गणपती मंडळाच्यावतीने करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.