नवोदयच्या विद्यार्थ्यांनी पाहिले पैसाफंडचे कलादालन

नवोदयची पैसाफंड
कलादालनास भेट
संगमेश्वरः राजापूर तालुक्यातील पडवे येथील नवोदय विद्यालयाच्या सहावी ते आठवीमधील ८० विद्यार्थ्यांनी पैसाफंड इंग्लिश स्कूलच्या कलावर्ग आणि कलादालनाला भेट दिली. कलादालनातील कलाकृती पाहून नवोदयचे विद्यार्थी भारावून गेले. विद्यार्थ्यांना कलावर्गासमोर उभारण्यात आलेल्या पेन्सिलचे महत्त्व समजावून सांगण्यात आले. कलाविषयक विविध उपक्रम, दैनंदिन सराव, शुभेच्छापत्रांची निर्मिती, डिजिटल कला शिक्षणाबाबत सर्व विद्यार्थ्यांना सखोल माहिती देऊन अवगत करण्यात आले. या वेळी प्रसिद्ध चित्रकार विष्णू परीट, जैतापूर हायस्कूलचे कलाशिक्षक कुणकवळेकर, कलाशिक्षक उन्मेष वेलिंगकर, क्रीडाशिक्षक साहिल यादव, सहशिक्षिका श्रियांका बोर्डीकर, आदिती वाघधरे हे उपस्थित होते. चित्रकार विष्णू परीट यांच्या निसर्गचित्राचे प्रात्यक्षिक संगमेश्वर येथील जाखमाता मंदिर परिसरात झाले.