बांदा येथे २८ ला निबंध लेखन स्पर्धा

बांदा येथे २८ ला निबंध लेखन स्पर्धा
बांदा ः मराठी भाषा संवर्धन सप्ताहानिमित्त येथील नट वाचनालयात १४ ते २८ जानेवारी या कालावधीत विविध उपक्रमांचे आयोजन करण्यात आले आहे. या उपक्रमांतर्गत समाजप्रबोधनपर निबंध लेखन स्पर्धेचे आयोजन केले असून, ही स्पर्धा २८ ला सकाळी १०.३० वाजता येथील नट वाचनालयामध्ये होणार आहे. ही स्पर्धा ही अंकुश माजगावकर व परिवार यांनी परशुराम नाईक व लक्ष्मीबाई परशुराम नाईक यांच्या स्मृतीप्रित्यर्थ पुरस्कृत केली आहे. पाचवी ते सातवी व आठवी ते दहावी या दोन गटात होणाऱ्या स्पर्धा होणार आहे. पहिल्या गटासाठी ‘माझी सहल’ व ‘शिक्षण व संस्कार’ हे विषय असून या गटासाठी शब्दमर्यादा ५०० शब्द व वेळ १ तास देण्यात येणार आहे. दुसऱ्या गटासाठी ‘मराठी शाळांचे अस्तित्व टिकवण्यासाठी समाजाचे योगदान’ व ‘स्वामी विवेकानंद-युवकांचे प्रेरणास्थान’ हे विषय असून या गटासाठी शब्दमर्यादा ८०० शब्द आणि वेळ १ तास देण्यात येणार आहे. ही स्पर्धा सावंतवाडी व दोडामार्ग तालुका मर्यादित आहे. प्रत्येक शाळेतून प्रत्येकी गटासाठी चार विद्यार्थ्यांची निवड करण्यात येणार आहे. स्पर्धकांनी कोणत्याही एका विषयावर निबंध लिहायचा आहे. सहभागी होणाऱ्या विद्यार्थ्यांनी व शाळांनी आपली नावे २४ जानेवारीपर्यंत नट वाचनालय, बांदा येथे नोंदवावीत, असे आवाहन आयोजकांनी केले आहे.