कोळोशीत बुधवारपासून विविध धार्मिक कार्यक्रम

कोळोशीत बुधवारपासून
विविध धार्मिक कार्यक्रम

सकाळ वृत्तसेवा
नांदगाव, ता. १८ ः श्री गजानन विकास मित्रमंडळ कोळोशी मधलीवाडी यांच्यावतीने माघी गणेश जयंती उत्सव निमित्ताने गणेश मंदिरात दोन दिवस विविध कार्यक्रमांचे आयोजन केले आहे.
बुधवारी (ता. २१) दुपारी २ वाजता महिलांसाठी हळदीकुंकू व फनी गेम्स, सायंकाळी ४.३० वाजता लहान मुलांसाठी विविध स्पर्धा, ६ वाजता सुस्वर भजने, रात्री ९ वाजता स्थानिक रेकॉर्डडान्स स्पर्धा, गुरुवारी (ता. २२) पहाटे ५.३० वाजता काकड आरती, ६.३० वाजता अभिषेक, ११ वाजता श्री सत्यनारायण महापूजा व महाआरती, दुपारी १२.३० वाजता मान्यवरांचे स्वागत व सत्कार समारंभ, १.३० वाजता तीर्थप्रसाद व महाप्रसाद वाटप, ३ वाजता श्रींची पालखी मिरवणूक, सायंकाळी ६.३० वाजता महाआरती, रात्री ८.३० वाजता स्थानिकांची भजने, ९.४५ वाजता लकी ड्रॉ सोडत व पैठणी वितरण, रात्री १० वाजता श्री कमलाकर बोरकर लिखित आणि श्री कुलस्वामिनी नाट्य मंडळ हडपीड निर्मित नाट्य कलाकृती ‘हिरवा चुडा’ सादर होणार आहे. सर्व गणेशभक्तांनी उपस्थित राहून कार्यक्रमांचा लाभ घ्यावा, असे आवाहन गजानन विकास मित्रमंडळाने केले आहे.