मंडणगड-नांदेड एसटीची नवी फेरी सुरू

मंडणगड - नांदेडसाठी
२४ पासून एसटीची नवी फेरी
मंडणगड, ता. १८ ः मंडणगड आणि दापोली परिसरातील प्रवाशांच्या दीर्घकालीन मागणीची दखल घेत, २४ जानेवारीपासून मंडणगड ते नांदेड ही नवीन एसटी प्रवासी फेरी सुरू करण्यात येत आहे. दापोली-मंडणगड एसटी प्रवासी मित्र संघटना आणि कोकण एसटी प्रेमी यांच्या सातत्यपूर्ण पाठपुराव्यामुळे हे यश मिळाले आहे. मंडणगड ते नांदेड ही बस दररोज दुपारी ४:३० वाजता मंडणगड बसस्थानकातून सुटेल. ही गाडी दापोली आणि खेडमार्गे नांदेडला जाईल. परतीच्या प्रवासासाठी ही बस नांदेडहून दुपारी ४ वाजता मंडणगडसाठी रवाना होईल. या बस फेरीचे संगणकीय आरक्षण सुरू करण्यात आले आहे. लांब पल्ल्याच्या प्रवासासाठी ही बस अत्यंत सोयीची ठरणार असून, जास्तीत जास्त प्रवाशांनी या सुविधेचा लाभ घ्यावा, असे आवाहन आगार व्यवस्थापनाकडून करण्यात आले आहे.