चिपळूण-चिपळूण बसस्थानकासाठी आणखी सात कोटी मंजूर

चिपळूण बसस्थानकासाठी
आणखी सात कोटी मंजूर
चिपळूण, ता. १९ : येथील मध्यवर्ती एसटी बसस्थानकाच्या पुनर्बांधणीसाठी अतिरिक्त निधी मंजूर करणे तसेच चिपळूण शिवाजीनगर बसस्थानक पुनर्बांधणी व चालक-वाहक विश्रांतीगृहाच्या नूतनीकरणासाठी सात कोटींचा निधी मंजूर झाला आहे.
ही दोन्ही कामे गेली अनेक वर्षे रखडली होती. अपुऱ्या सुविधा, मोडकळीस आलेली बांधकामे आणि अस्वच्छतेमुळे दररोज हजारो प्रवाशांना मोठ्या प्रमाणात गैरसोयीला सामोरे जावे लागत होते. चालक व वाहकांसाठीही विश्रांतीसाठी आवश्यक सुविधा नसल्याने त्यांच्यात नाराजी होती. प्रवाशांची होणारी गैरसोय आमदार शेखर निकम यांनी लक्षात घेत या दोन्ही महत्त्वाच्या कामांसाठी पाठपुरावा केला होता. त्यामुळे सात कोटी रुपयांचा निधी मंजूर करण्यात आला.