राजापूर-नारळ मंडळाच्या विविध योजनांचा लाभ घ्या

rat19p15.jpg-
18822
राजापूर ः नारळ संशोधन केंद्र भाट्ये येथे झालेल्या कार्यक्रमात मार्गदर्शन करताना नारळ विकास मंडळाच्या महाराष्ट्र केंद्राचे उपसंचालक श्री. गुरुराज.
------------

नारळ मंडळाच्या विविध योजनांचा लाभ घ्या
उपसंचालक गुरुराजः भाट्येतील नारळ केंद्रात प्रदर्शनाला प्रतिसाद
सकाळ वृत्तसेवा
राजापूर, ता. १९ ः “देशाच्या आर्थिक विकासात नारळ पिकाचे मोठे योगदान आहे. त्यामुळे नारळाची उत्पादकता आणि उत्पादन वाढविण्यासाठी मंडळाच्या विविध योजनांचा बागायतदारांनी लाभ घेत देशासह स्वतःचीही आर्थिक उन्नती साधावी, असे आवाहन नारळ विकास मंडळाच्या महाराष्ट्र केंद्राचे उपसंचालक श्री. गुरुराज यांनी केले.
भारत सरकारच्या कृषी आणि शेतकरी कल्याण मंत्रालय विभागाच्या नारळ विकास मंडळाचा 46 वा स्थापना दिवस प्रादेशिक नारळ संशोधन केंद्र भाट्ये येथे केद्राचे समन्वयाने नारळ विकास मंडळाच्या महाराष्ट्र केंद्राचे उपसंचालक श्री. गुरुराज यांच्या अध्यक्षतेखाली साजरा करण्यात आला. नारळ संशोधन केंद्राचे प्रमुख डॉ. किरण मालशे, जिल्हा अधीक्षक कृषी अधिकारी शिवकुमार सदाफुले उपस्थित होते. शेतकरी, बागायतदार यांनी उत्पादकता आणि उत्पादन वाढविण्यासाठी मंडळाच्या विविध योजनांचा बागायतदारानी लाभ घ्यावा, असे आवाहनही त्यांनी केले. जिल्हा कृषी अधिकारी श्री. सदाफुले यांनी नारळ पीक संदर्भात राज्य शासनाच्या वेगवेगळ्या योजना, नारळ पिक संवर्धन याबाबत माहिती दिली. नारळ उद्योजक तुषार आग्रे यांनी नारळ काढणीपासून प्रक्रियेपर्यंत उद्योजक कसे निर्माण झाले पाहिजे यावर मत व्यक्त केले. नारळ संशोधन केंद्राचे प्रमुख डॉ. किरण मालशे यांनी नारळ उत्पादन उत्पादकता सद्यस्थिती आणि भविष्यातील विकासाच्या दिशा यावर मार्गदर्शन केले. कार्यक्रमाचे औचित्य साधून आयोजित केलेल्या नारळाच्या विविध जाती, उत्पादने याचे प्रदर्शनाला बागायतदारांचा उत्स्फूर्त प्रतिसाद लाभला.