swt1915.jpg
18829
श्री दैवज्ञ गणपती
सावंतवाडीत उद्यापासून
विविध धार्मिक कार्यक्रम
सकाळ वृत्तसेवा
सावंतवाडी, ता. १९ः उभाबाजार येथील श्री देव दैवज्ञ गणपती मंदिरात गणपती मूर्ती प्रतिष्ठापनेचा ३६ वा वर्धापन दिन, माघी गणेश जयंती, नारायण स्वामी पुण्यतिथी आणि बालाजी उत्सव २१ ते २४ जानेवारी या कालावधीत विविध धार्मिक कार्यक्रमांनी साजरा करण्यात येणार आहे.
बुधवारी (ता. २१) सकाळी ९.३० वाजता विशेष पूजाअर्चा, धार्मिक विधी, श्री गणपती अथर्वशीर्ष सहस्त्रावर्तने, जप आणि हवन, रात्री भजनाचा कार्यक्रम, गुरुवारी (ता. २२) माघी गणेश जयंती निमित्त सकाळी श्रींची पूजा आणि अभिषेक, १०.३० वाजता गणेश जन्मावर आधारित कीर्तन, दुपारी १२ वाजता गणेशजन्म सोहळा, १२.३० ते रात्री ९ वाजेपर्यंत अखंड गणेश नामजप, रात्री भजनाने दिवसाची सांगता, शुक्रवारी (ता. २३) श्री नारायण स्वामी पुण्यतिथीनिमित्त सकाळी श्रींची पूजाअर्चा, स्वामींच्या समाधी व पादुकांचे पूजन, सकाळी ११ वाजता पावणीचा कार्यक्रम, भाविकांसाठी महाप्रसाद, रात्री भजने, शनिवारी (ता. २४) बालाजी मठात श्रींची पूजाअर्चा, स्वामींची समाधी व पादुका पूजन, अभिषेक, रात्री भजनाचा कार्यक्रम होणार आहे. या चतुर्विध उत्सवातील कार्यक्रमांचा समस्त गणेश भक्तांनी उपस्थित राहून लाभ घ्यावा, असे आवाहन उत्सव समिती, श्री दैवज्ञ गणपती मंदिर, सावंतवाडी यांच्या वतीने करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.